Ճոն Հոփքինսի Համալսարանի Ուսանողները ԼՂՀ Պիտի Այցելեն

0
59

ԱՄՆ-ի մօտ ՀՀ դեսպան Թաթուլ Մարգարեան Ուաշինկթընի Ճոն Հոփքինսի համալսարանի Միջազգային յարաբերութիւններու դպրոցի (SAIS) հրաւէրով դասախօսութիւն կարդացած է հակամարտութիւններու տեսութեան ծրագրի ուսանողներուն համար: Դասախօսութեան թեման եղած է Լեռնային Ղարաբաղի հիմնախնդիրը:

Դեսպան Մարգարեան ներկայացուցած է ԼՂ հիմնախնդրի կարգաւորման ուղղութեամբ Հայաստանի կողմէ գործադրուող ջանքերը, ԼՂ հիմնախնդրի արդի փուլը, բանակցային գործընթացը եւ հակամարտութեան կարգաւորման հեռանկարները:

Դասախօսութենէն ետք ՀՀ դեսպանը պատասխանած է ծրագրի դասախօսական կազմի եւ ուսանողներու հարցերուն, որոնք յատկապէս վերաբերած են ԼՂ հակամարտութեան կարգաւորման մանրամասներուն` միջնորդական առաքելութեան, բանակցային փուլերուն, քննարկուած փաստաթուղթերուն, տարածաշրջանային զարգացումներու ազդեցութեան, հասարակութիւններու դերակատարութեան, այլ հակամարտութիւններու միջեւ զուգահեռներուն եւ այլն:

Հակամարտութիւններու տեսութեան ծրագրի ուսանողները Միջազգային յարաբերութիւններու դպրոցի փրոֆէսըր Վ. Զարթմանի ղեկավարութեամբ յառաջիկային կը նախատեսեն այցելել Հայաստան եւ ԼՂՀ:

LEAVE A REPLY

Please enter your comment!
Please enter your name here