ԼՂ Բնակիչները Իրաւունք Ունին Յայտարարելու Իրենց Ինքնութեան Մասին, Պաքուի Մէջ Յայտարարած Է Ռաֆֆի Յովհաննիսեան

0
56

Ղարաբաղեան հակամարտութեան վերաբերեալ սխալ է օգտագործել այնպիսի քաղաքական բառեր, ինչպիսին է բռնազաւթումը, յայտարարած է «Ժառանգութիւն» ընդդիմադիր կուսակցութեան առաջնորդ Ռաֆֆի Յովհաննիսեան Պաքուի մէջ, ուր ան կը մասնակցի Ասիական քաղաքական կուսակցութիւններու միջազգային համաժողովի 7-րդ գլխաւոր վեհաժողովին: «Ըստ այդ եզրաբանութեան՝ հայկական հողերու մեծամասնութիւնը նոյնպէս բռնազաւթուած են Թուրքիոյ եւ Ատրպէյճանի կողմէ»,- յայտարարած է Յովհաննիսեան եւ աւելցուցած, որ ղարաբաղեան հակամարտութեան պատճառը Ատրպէյճանի թշնամական յարձակումն է Լեռնային Ղարաբաղի բնակիչներուն դէմ: Այս մասին կը հաղորդէ panarmenian.net կայքը:

«Ես յուսով եմ, որ կը կարենանք հասնիլ խաղաղութեան եւ վերականգնել յարաբերութիւնները: Ատիկա տեղի կ’ունենայ, երբ կողմերէն իւրաքանչիւրը սկսի հասկնալ, որ պատասխանատուութիւն կը կրէ ամբողջ տարածաշրջանի համար: Լեռնային Ղարաբաղի բնակիչները իրաւունք ունին արտայայտուելու եւ յայտարարելու իրենց ինքնութեան մասին: Պէտք է յարգել իրար, դիմացինին ինքնութիւնը եւ մշակութային ժառանգութիւնը: Ես կը հասկնամ 700 հազար ատրպէյճանցի փախստականներու խնդիրները եւ 400 հազար հայ փախստականներու իրաւունքները, որոնք վտարուած են Պաքուէն եւ Սումկայիթէն: Անոնք բոլորն ալ իրաւունք ունին վերադառնալու իրենց հողերը, ներառեալ` ատրպէյճանցիները անկախ Լեռնային Ղարաբաղ, իսկ հայերը` Թուրքիա»,- ըսած է «Ժառանգութիւն» կուսակցութեան առաջնորդը, յոյս յայտնելով, որ պիտի կարենայ այցելել հայկական եկեղեցի եւ հանդիպիլ Պաքու բնակող հայերու հետ: «Շատ ուրախ եմ Պաքու ըլլալու համար, որ բազմազգ քաղաք է, բայց ուր շատ քիչ հայեր կան»,- եզրափակած է Յովհաննիսեան:

 

LEAVE A REPLY

Please enter your comment!
Please enter your name here