Սուրիահայերը ՀՀ անձնագիր Ստանալու Կամ Փոխանակելու Համար Գանձուող Պետական Տուրք Պիտի Չվճարեն

0
34

Օտարերկրեայ պետութիւններու մօտ վաւերական Հայաստանի Հանրապետութեան քաղաքացիի անձնագիր տալու կամ փոխանակելու համար պետական տուրքի վճարումէն պիտի ազատին ազգութեամբ հայ այն օտարերկրեայ քաղաքացիները կամ ՀՀ քաղաքացիները, որոնց մշտական բնակութեան օտարերկրեայ պետութեան մէջ ստեղծուած է այնպիսի արտակարգ իրավիճակ, որ կը սպառնայ քաղաքացիներու կեանքին կամ առողջութեան:

Այս մասին որոշումը ընդունուեցաւ ՀՀ կառավարութեան այսօրուան նիստին, կը հաղորդէ panorama.am կայքը:

Ըստ կառավարութեան հիմնաւորման` նկատի առնելով Սուրիոյ ներկայիս պատերազմական իրավիճակը եւ քաղաքական յետագայ զարգացումները, Սուրիոյ մէջ բնակող մօտ 100 հազար հայերուն սպառնացող վտանգը, ՀՀ կառավարութիւնը շտապ միջոցներ կը ձեռնարկէ մեր հայրենակիցներու անվտանգութիւնը ապահովելու եւ անոնց վերադարձը հայրենիք կազմակերպելու համար:

Միաժամանակ օտարերկրեայ պետութիւններու մէջ վաւերական ՀՀ անձնագիր տալու կամ փոխանակելու համար «Պետական տուրքի մասին» ՀՀ օրէնքին համաձայն` կը գանձուի պետական տուրք` 65000 դրամի չափով, որուն վճարումը ծանր նիւթական վիճակի մէջ գտնուող սուրիահայերուն համար խնդրայարոյց է: Այսպիսով` նախագիծով կը սահմանուի պետական տուրքի գծով արտօնութիւն`տուեալ քաղաքացիներուն համար:

 

LEAVE A REPLY

Please enter your comment!
Please enter your name here