Պոլսոյ Միջազգային Art-Expo-ին Մէջ Հայ Արուեստագէտներու Աշխատանքները Պիտի Ցուցադրուին

0
40

Հայ արուեստագէտներու աշխատանքները ներկայացուած են Թուրքիոյ Պոլիս քաղաքին մէջ բացուած «Contemporary Istanbul» («ժամանակակից Սթամպուլ») Art-expo-ին մէջ: Այս մասին կը հաղորդէ PanArmenian.net-ը` զրուցելով նկարիչ Արթուր Յովհաննիսեանի հետ: Ըստ վերջինիս` expo-ի հայկական տաղաւարին մէջ կը  ցուցադրուին իր, Արմէն Գէորգեանի (Ձու), Ռուբէն Գրիգորեանի, Դաւիթ Գարէյեանի, Տարօն Մուրատեանի նկարները, ինչպէս նաեւ Էմիլ Գազազի քանդակները:

Ցուցահանդէսը բացուած է Նոյեմբեր 22-ին, եւ պիտի տեւէ մինչեւ Նոյեմբեր 25:

Ասիկա «Contemporary Istanbul» 7-րդ Art-expo-ն է, որուն կը մասնակցին շուրջ 100 պատկերասրահ եւ մօտ 600 արուեստագէտ: Այս տարի ցուցահանդէսը կեդրոնացած է Կեդրոնական եւ Արեւելեան Եւրոպայի վրայ: Ցուցանմուշներուն մէջ կան այնպիսի հանրայայտ արուեստագէտներու գործեր, ինչպիսիք են Փիքասոն, Ուորհոլը, Պոդերոն եւ այլք:

«Contemporary Istanbul»-ը Թուրքիոյ մէջ ժամանակակից արուեստի ամենաարժէքաւոր ձեռնարկն է, որ կը հիւրընկալէ ազգային եւ միջազգային պատկերասրահներ, արուեստագէտներու ամբողջ աշխարհէն, հաւաքորդներու, թանգարանի տնօրէններու, համադրողներու, արուեստաբաններու, լրագրողներու եւ պարզապէս արուեստը գնահատողներու: Գլխաւոր ձեռնարկէն բացի «Contemporary Istanbul»-ը տարուան ընթացքին կը կազմակերպէ քանի մը կից ձեռնարկ եւ արուեստի նախագիծ, ինչպիսիք են համաժողովներ, ցուցահանդէսներ եւ այլ նախաձեռնութիւններ:

LEAVE A REPLY

Please enter your comment!
Please enter your name here