Արամ Ա Կաթողիկոս Մեկնած է Եգիպտոս

0
47

Հինգշաբթի 22 Նոյեմբեր 2012-ի առաւօտուն, Ն.Ս.Օ.Տ.Տ. Արամ Ա. Կաթողիկոս Մեծի Տանն Կիլիկիոյ մեկնեցաւ Գահիրէ, անձամբ շնորհաւորելու ղպտի եկեղպեցւոյ նորընտիր Պատրիարք Թաւատրոս Բ.ը: Վեհափառ Հայրապետին ընկերացան Սեպուհ Արք. Սարգիսեան (Առաջնորդ Թեհրանի հայոց), Նարեկ Արք. Ալեմէզեան (Միջ–եկեղեցական Յարաբերութեանց վարիչ) եւ Մեսրոպ Վրդ. Սարգիսեան (Գաւազանակիր):

Օդակայանին մէջ Վեհափառ Հայրապետը դիմաւորելու եկած էին ղպտի Պատրիարքին ներկայացուցիչները:

Ողջունելով Թաւատրոս Բ.ի ընտրութիւնը, Վեհափառ Հայրապետը շեշտեց ղպտի եւ հայ եկեղեցիներուն դարաւոր բարեկամութեան ու անոնց միջեւ գոյութիւն ունեցող սերտ գործակցութեան նոր թափ տալու անհրաժեշտութիւնը: Վեհափառը նաեւ ընդգծեց Միջին Արեւելէն ներս քրիստոնէական միութիւնը գործնապէս արտայայտելու հրամայականը:

Թաւարոս Պատրիարք ձայնակցելով Վեհափառին առաջարկներուն, անդրադարձաւ երկար տարիներու Վեհափառին ձեռք ձգած փոր4ձառութեան միջ–եկեղեցական մարզէն ներս եւ իր կարգին պատրաստակամութիւն յայտնեց ընդհանրապէս Արեւելեան եկեղեցիներու ընտանիքէն եւ յատկապէս Միջին Արեւելքիէն ներս միջ–եկեղեցական գործակցութեան նոր մղում տալու կարիքը:

Կէսօրին Պատրիարքը ի պատիւ Վեհափառ Հայրապետին պաշտօնական ճաշկերոյթ մը տուաւ, որուն ներկայ եղան շուրջ 50 հոգի, արքեպիսկոպոսներ եւ աշխարհականներ: Ճաշի ընթացքին, Վեհափառը առիթը ունեցաւ աւելի մտերիմ զրոյց ունենալու Պատրիարքին հետ, յատկապէս Եգիպտոսի ներքին կացութեան մասին: Յայտենք, որ նոյն օրը ղպտի Պատրիարքը հանդիպում մը ունեցած էր Եգիպտոսի Նախագահին եւ Ալ–Ազհարի միւֆթիին հետ: Նոյն օրն իսկ Վեհափառ Հայրապետը վերադարձաւ Անթիլիասի Մայրավանքը:

LEAVE A REPLY

Please enter your comment!
Please enter your name here