Սփիւռքի Նախարարութիւնը Կը Փորձէ Թեթեւցնել Սուրիահայերու Խնդիրները. Հրանոյշ Յակոբեան

0
28

ՀՀ սփիւռքի նախարար Հրանոյշ Յակոբեան ընդունած է Հալէպի մէջ ՀՀ գլխաւոր հիւպատոս Կարէն Գրիգորեանը: Վերջինս կարճ ժամանակի համար կը գտնուի Հայաստան:

Հանդիպումի ընթացքին քննարկուած են Հայաստանի, ինչպէս նաեւ Սուրիոյ մէջ գտնուող մեր հայրենակիցներու հիմնախնդիրները: Նախարար Հ. Յակոբեան տեղեկացուցած է, որ Սփիւռքի նախարարութիւնը, համագործակցելով ՀՀ կառավարութեան գերատեսչութիւններու, համահայկական կառոյցներու հետ` կը փորձէ թեթեւցնել սուրիահայերու խնդիրներն ու հոգերը:

Գլխաւոր հիւպատոսը հետաքրքրուած է Հայաստանի մէջ սուրիական ուսումնական ծրագիրով գործող դպրոցի աշխատանքով եւ փոխանցած սուրիահայ համայնքի գոհունակութիւնը դպրոցի կազմակերպման առնչութեամբ: Քննարկուած է Սուրիոյ մէջ ՀՀ քաղաքացիներուն անձնագիրները յանձնելու ընթացքին պետական տուրքէն ազատուելու մասին ՀՀ կառավարութեան կողմէ ընդունուած որոշումը: Այս մասին կը հաղորդէ panarmenian.net—ը՝ վկայակոչելով ՀՀ սփիւռքի նախարարութեան մամլոյ ծառայութիւնը:

LEAVE A REPLY

Please enter your comment!
Please enter your name here