Ռուսաստանի համար Սառեցուած Հակամարտութիւնը Գերադասելի Է Թէժ Պատերազմէն. Ռուս Պատգամաւորը Ղարաբաղի մասին

0
61

«Զինուած բախում Ատրպէյճանի ու Հայաստանի միջեւ Լեռնային Ղարաբաղի համար յառաջիկային տեղի չունենար: Ղարաբաղեան հակամարտութիւնը այդպէս ալ «սառեցուած» կը մնայ: Այդ մասին նախօրէին russia.ru լրատուական կայքին Մաքսիմ Շեւչենքոյին տուած հարցազրոյցի ընթացքին յայտարարած է լրագրող, Պետտումայի պատգամաւոր «Միասնական Ռուսաստան»-էն Ալեքսէյ Պուշքով:

Շեւչենքօ յիշեցուցած է, որ քանի մը ամիս առաջ Ատրպէյճանը եւ Հայաստանը պատերազմի եզրին էին ՀՀ Ազգային ժիղովին մէջ Լեռնային Ղարաբաղի անկախութեան ճանաչման մասին օրինագծի քննարկման պատճառով:

«Եթէ Հայաստանը ետ չկանչեր Ղարաբաղի անկախութիւնը ճանչնալու մասին օրինագիծը, ապա Ատրպէյճանը պատերազմ սկսելու տրամաբանական անհրաժեշտութիւն կ’ունենար: Ի՞նչ կը կարծէք, ինչպէ՞ս կը վարուի Ռուսաստանը Հայաստանի եւ Ատրպէյճանի միջեւ պատերազմի պարագային»,-հետաքրքուած է Շեւչենքօ:

«Ատիկա «սառեցուած հակամարտութիւն է», ես այնպիսի տպաւորութիւն ունիմ, որ հակամարտութեան երկու կողմերը բախման եզրին կը մնան, սակայն բուն բախում, ինչպէս ինծի կը թուի, չ’ըլլար: Ինչ կը վերաբերի անոր, թէ ինչ դիրքորոշում կ’որդեգրէ Ռուսաստանը Հայաստանի ու Ատրպէյճանի միջեւ ռազմական գործողութիւններու պարագային, ապա կան իրավիճակներ, որոնք աւելի լաւ է չդիտարկել, քանի դեռ անոնք չեն պատահած: Կը կարծեմ, որ նոյնիսկ պէտք չէ դիտարկել պատերազմական իրավիճակը Հայաստանի ու Ատրպէյճանի միջեւ, քանի որ մենք շատ լաւ յարաբերութիւններ ունինք Հայաստանի հետ, մենք գործընկերային մօտ յարաբերութիւններ ունինք Ատրպէյճանի հետ, եւ մեզի համար, ի հարկէ նման իրավիճակը շատ ծՙանր կ’ըլլայ: Մենք ամէն ինչ պիտի ընենք, կանխելու համար այդ բախումը: Ռուսաստանի համար «սառեցուած հակամարտութիւնը գերադասելի է թէժ պատերազմէն»,-ըսած է Պուշքով:

LEAVE A REPLY

Please enter your comment!
Please enter your name here