Արմէն Նազարեան` Պուլկարիոյ Հաւաքականին Գլխաւոր Մարզիչ

0
48

  Ողիմպիական կրկնակի ախոյեան Արմէն Նազարեան զբաղեցուցած է յունահռոմէկան ոճի ըմբշամարտի Պուլկարիոյ հաւաքականի գլխաւոր մարզիչի պաշտօնը:

«Կարեւոր է, որ տղաները կը վստահին ինծի: Մեր առջեւ շատ կարեւոր մրցաշարեր կան եւ մենք անմիջապէս պիտի անցնինք նախապատրաստական փուլին: Հաւաքականին դռները բաց պիտի ըլլան բոլորին առջեւ: Ով արժանի է, ան հանդէս պիտի գայ Պուլկարիոյ հաւաքականին մէջ»,- յայտարարած է Արմէն Նազարեան:

Այդ պաշտօնին հայ ըմբիշը կը փոխարինէ Պրատան Ցենովը, որ Պուլկարիոյ հաւաքականին մէջ չորս տարի աշխատելէ ետք Նոյեմբեր 21-ին հրաժարական տուած է:

Պուլկարիոյ հաւաքականին մէջ Արմէն Նազարեանին պիտի օգնեն Վալենթին Ռոնչեւը եւ Սերաֆիմա Պարզաքովը: Նազարեանը 1996-էն կը բնակի Պուլկարիա: Ան անկախ Հայաստանի պատմութեան մէջ միակ ողիմպիական ախոյեանն է:

Նախապէս լուրեր կը շրջանառուէին, որ Նազարեանը կ’ուզէ մասնակցիլ 2016 թուականի Ռիօ Տէ Ժանէրոյի Ողիմպիական խաղերուն:

 

LEAVE A REPLY

Please enter your comment!
Please enter your name here