Պուլկարիան Դէմ է ԼՂ Խնդրի Կարգաւորման Գործով Թուրքիոյ Աշխոյժ Ներգրաւուածութեան

0
24

Լեռնային Ղարաբաղի հակամարտութեան խաղաղ կարգաւորումը այլընտրանք չունի: Ղարաբաղեան հիմնախնդրի լուծումը կարեւոր նախապայման է տարածաշրջանին մէջ տնտեսութեան զարգացման համար: Ըստ Armenpress.am-ի` այս մասին ատրպէյճանական APA գործակալութեան հետ հարցազրոյցի ընթացքին յայտարարած է Պաքուի մէջ Պուլկարիոյ դեսպան Մայա Խրիսթովան:

Յայտնելով, որ Պուլկարիան ԵՄ իր գործընկերներու հետ մէկտեղ կ’աջակցի ԵԱՀԿ Մինսկի խումբի գործունէութեան, Պաքուի մէջ Պուլկարիոյ դեսպանը մասնաւորապէս ըսած է,- «Ինչպէս ԵՄ անդամ երկիրներու մեծամասնութիւնն ու ԱՄՆ-ն, այնպէս ալ Պուլկարիան դէմ է Թուրքիոյ` ԵԱՀԿ Մինսկի խումբի համանախագահ դառնալուն: Մենք կը հաւատանք, որ Ատրպէյճանի եւ Հայաստանի նախագահներու միջեւ կառուցողական երկխօսութիւնը պիտի նպաստէ ղարաբաղեան հիմնախնդրի լուծման խաղաղ ճանապարհով»:

Խրիսթովա նշած է, որ հակամարտութեան խաղաղ կարգաւորումը պիտի նպաստէ տարածաշրջանային անվտանգութեան եւ համագործակցութեան յաջող կենսագործման եւ պիտի վերածէ Հարաւային Կովկասը կայուն տարածաշրջանի: Ան կոչ ուղղած է ատրպէյճանի եւ Հայաստանի ղեկավարներուն խուսափելու զգացմունքային յայտարարութիւններէն, որոնք աւելի կը լարեն յարաբերութիւնները երկու երկիրներու ժողովուրդներու միջեւ:

 

 

LEAVE A REPLY

Please enter your comment!
Please enter your name here