«Վառոդի Տակառը» Եւրոպայի Դռներուն Մօտ. France 24-ի Ռեփորթաժը Լեռնային Ղարաբաղէն

0
17

Ֆրանսական France 24 հեռուստաալիքը պատրաստած է Լեռնային Ղարաբաղի վերաբերեալ ռեփորթաժ, զոր ֆրանսական հանրութեան ներկայացուցած է Նոյեմբեր 22-ին: Այս մասին կը յայտնէ Armenpress-ը։

Տեսանիւթը անդրադարձած է Արցախի պատմութեան:

Մասնաւորապէս նշուած է. «Լեռնային Ղարաբաղը, որ Խորհրդային Միութեան ժամանակաշրջանին գլխաւորաբար բնակեցուած եղած է հայերով, 1991-էն դարձած է իրական «վառոդի տակառ»  Եւրոպայի դռներու մօտ: ԼՂ խնդիրը մինչ այսօր իր լուծումը չէ գտած, անոր արդիւնքում հայ-ատրպէյճանական բախումները կը բազմապատկուին: Ներկայացուած ռեփորթաժը կը պատմէ փխրուն հրադադարի մասին եւ ան վաւերագրական բացառիկ նիւթ է՚:

Ռեփորթաժի հեղինակները զրուցած են նաեւ Լեռնային Ղարաբաղի Հանրապետութեան Պաշտպանութեան բանակի հրամանատար Մովսէս Յակոբեանի հետ: «Մեր բանակը ստեղծուած է պաշտպանական նպատակներով, սակայն ունակ է կատարելու նաեւ յարձակողական գործողութիւններ»- ըսած է ՊԲ հրամանատարը:

Ֆրանսացի լրագրողները կը փաստեն, որ Լեռնային Ղարաբաղը իր մայրաքաղաք Ստեփանակերտով այսօր կ’ապրի կեանքի բնականոն հունով, ունի իր պետական իշխանութեան մարմինները, ուր կը կայացուին երկրի համար կենսական նշանակութիւն ունեցող որոշումները:

Հեռուստաընկերութեան լրագրողները այցելած են հակամարտութեան սահմանային երկու կողմեր: Ռեփորթաժի հեղինակներն են Ուիլի Բրասիանոն, Արմէն Գէորգեանը եւ Մարկուս Մէյըրը:

 

LEAVE A REPLY

Please enter your comment!
Please enter your name here