Կը Քննարկուի Տապլինի Մէջ Հայաստանի եւ Ատրպէյճանի ԱԳ Նախարարներու Հանդիպման Հնարաւորութիւնը

0
22

ՀՀ արտաքին գործերու նախարար Էտուարտ Նալպանտեան Նոյեմբեր 23-ին ընդունեց ԵԱՀԿ Մինսքի խումբի համանախագահներ Ռոպերթ Բրադկէն, Իգոր Փոփովը, Ժագ Ֆորը եւ ԵԱՀԿ գործող նախագահի անձնական ներկայացուցիչ Անճէյ Քասպրչիքը: Այս մասին կը տեղեկացնէ Armenpress-ը։

Հանդիպման ընթացքին նախարար Նալպանտեան համանախագահներու ուշադրութիւնը հրաւիրեց Ատրպէյճանի բարձրագոյն ղեկավարութեան կողմէ շարունակաբար կատարուող սադրիչ յայտարարութիւններու վրայ` նշելով, որքան ալ անոնք ներքին օգտագործման համար ըլլան, սակայն լուրջ վնաս կը հասցնեն բանակցային գործընթացին եւ տարածաշրջանի մէջ իրավիճակը կը սրեն:

Համանախագահները Հայաստանի արտաքին գործոց նախարարուն ներկայացուցին Ստեփանակերտի մէջ Արցախի Նախագահի հետ ունեցած հանդիպման արդիւնքները եւ սահմանագծին լարուածութեան նուազեցման ուղղուած իրենց առաջարկները:
Զրուցակիցները քննարկեցին Դեկտեմբերին Տապլինի մէջ կայանալիք ԵԱՀԿ արտաքին գործերու նախարարներու խորհուրդի ծիրէն ներս Հայաստանի եւ Ատրպէյճանի ԱԳ նախարարներու եռանախագահներու հետ հանդիպման հնարաւորութիւնը:

LEAVE A REPLY

Please enter your comment!
Please enter your name here