Ղարաբաղեան Հիմնահարցի Գծով Անհրաժեշտ է Միասնական Մօտեցում Ցուցաբերել. Բագօ Սահակեան

0
40

Արցախի Հանրապետութեան նախագահ Բագօ Սահակեան Նոյեմբեր 23-ին ընդունած է Հայաստանի Հանրապետութեան Ազգային ժողովի Եւրոմիութիւն-Հայաստան խորհրդարանական համագործակցութեան յանձնաժողովի անդամներէն խումբ մը` յանձնաժողովի համանախագահ Սամուէլ Ֆարմանեանի գլխաւորութեամբ: Այս մասին կը հաղորդէ ԼՂՀ նախագահի աշխատակազմի տեղեկատւութեան գլխաւոր վարչութիւնը:

Հանդիպման ընթացքին քննարկուած են հայկական երկու հանրապետութիւններու միջխորհրդարանական կապերու զարգացման առնչուող հարցեր: Նախագահ Սահակեան անհրաժեշտ համարած է այս հարթութեան վրայ համագործակցութեան յետագայ խորացումն ու ընդլայնումը, որ կարեւոր է նաեւ արտաքին քաղաքական տեսանկիւնէն:

Երկրի ղեկավարը նշած է, որ անկախ քաղաքական ուժերու ծրագրերուն մէջ առկայ տարբերութիւններէն, ղարաբաղեան հիմնահարցի գծով անհրաժեշտ է ցուցաբերել միասնական մօտեցում` զայն համարելով հայոց պետականութեան ռազմավարական ամենակարեւոր հիմնախնդիրներէն մէկը:

Հանդիպման մասնակցած են ԼՂՀ ԱԺ փոխխօսնակ Արթուր Թովմասեան, պաշտօնատար այլ անձինք:

 

LEAVE A REPLY

Please enter your comment!
Please enter your name here