ՀՀ Նախագահը Պաշտօնական Այցով Պիտի Ժամանէ Լիբանան

0
33

Հայաստանի  Հանրապետութեան Նախագահ Սերժ Սարգսեան Նոյեմբեր 26-28-ը պաշտօնական այցելութեամբ պիտի մեկնի Լիբանան:

Նախագահ Սարգսեան հանդիպումներ պիտի ունենայ երկրի բարձրագոյն ղեկավարութեան` ԼՀ նախագահ Միշէլ Սըլէյմանի, Ազգային ժողովի նախագահ Նեպիհ Պըրրիի հետ եւ ընդլայնուած հանդիպում պիտի ունենայ երկրի խորհրդարանականներու, ինչպէս նաեւ վարչապետ Նաժիպ Միքաթիի հետ:

Հանրապետութեան նախագահը հանդիպում պիտի ունենայ նաեւ լիբանանահայ համայնքի ներկայացուցիչներուն հետ: Այցի ծիրէն ներս նախագահը հանդիպում պիտի ունենայ նաեւ Մեծի Տանն Կիլիկիոյ Կաթողիկոս Ն.Ս.Օ.Տ.Տ. Արամ Ա. ի հետ: Սերժ Սարգսեանը պիտի այցելէ Հայկազեան համալսարան, ուր պիտի հանդիպի Լիբանանեան գլխաւոր համալսարաններու դասախօսական կազմերուն հետ:

Լիբանանի մէջ Նախագահը հանդիպում պիտի ունենայ նաեւ Մերձաւոր Արեւելքի Հայ Աւետարանական Եկեղեցիներու նախագահ, վերապատուելի Մկրտիչ Գարակէօզեանի հետ, պիտի այցելէ Զմմառ, հանդիպում պիտի ունենայ Տանն Կիլիկիոյ Կաթողիկէ Հայոց կաթողիկոս, պատրիարք Ամենապատիւ Տէր Ներսէս Պետրոս ԺԹ-ի հետ, պիտի մասնակցի «Ուրբաթագրք՚ի տպագրութեան 500-ամեակի առիթով մշակութային կեդրոնի եւ Մատենադարանի նորոգուած յարկաբաժինի բացման, ապա պիտի այցելէ ձեռագիրներու եւ հնատիպ գիրքերու ցուցահանդէսին:

LEAVE A REPLY

Please enter your comment!
Please enter your name here