Եւրոպական Արժէքներուն Նուիրուած Համաժողով Երեւանի Մէջ

0
38

«Մարդկային զարգացման միջազգային կեդրոն» (ՄԶՄԿ) հասարակական կազմակերպութիւնը Հայաստանի մէջ Եւրոպական յանձնաժողովի պատուիրակութեան եւ «Ֆրիտրիխ Էպըրդ» հիմնադրամին օժանդակութեամբ կազմակերպած է «Եւրոպական ընդելուզում 2012. Համընդհանուր եւրոպական արժէքներ` կեանքը առանց խտրականութեան» խորագիրով համաժողով: Համաժողովը տեղի պիտի ունենայ Նոյեմբեր 27-28 Երեւանի մէջ: Այս մասին կը հաղորդէ Armenpress.am-ը:

Համաժողովին նպատակն է նպաստել Արեւելեան գործընկերութեան երկիրներու մէջ եւրոպական արժէքներու արմատաւորման գործընթացին եւ խթանել քաղաքացիական հասարակութեան, մասնաւորապէս` հասարակական կազմակերպութիւններու համապատասխան նախաձեռնութիւններուն: Ասիկա եւրոպական ընդելուզման նուիրուած ութերորդ ամենամեայ համաժողովն է, որ ուրոյն ամպիոն դարձած է Եւրոպական Միութեան հետ Հայաստանի Հանրապետութեան եւ Արեւելեան գործընկերութեան միւս երկիրներու ընդելուզման գործընթացին ընթացքը փորձագիտական հանրութեան եւ լայն հասարակութեան ներկայացնելու եւ առկայ խնդիրները լուսաբանելու համար:

Համաժողովին պիտի մասնակցին Հայաստանի, Վրաստանի, Պելառուսիոյ, Մոլտովայի, Ուքրանիոյ, Պուլկարիոյ, Սլովենիոյ, Ռումանիայի, Թուրքիոյ, Գերմանիոյ,  ինչպէս նաեւ եւրոպական եւ միջազգային կառոյցներու, ինչպէս` ԵՄ, ԵԱՀԿ եւ ՄԱԲՀ ներկայացուցիչները:

 

LEAVE A REPLY

Please enter your comment!
Please enter your name here