Տերսիմի Ցեղասպանութեան Գործը Հագայի Միջազգային Քրէական Դատարան Յանձնած են

0
36

Թուրքիոյ իշխանութիւններուն կողմէ 1937-1938-ին Տերսիմի մէջ իրականացած ցեղասպանութեան հարցը տեղափոխուած է Հագայի միջազգային քրէական դատարան:

Ըստ News.am-ի` քրտական ANF գործակալութիւնը փոխանցած է, թէ Նոյեմբեր 23-ին, ԱՄՆ-էն, Գերմանիայէն, Հոլանտայէն, Պելճիքայէն եւ Թուրքիայէն շարք մը փաստաբաններու ստորագրութեամբ Տերսիմի ցեղասպանութեան գործով զեկոյցն ու 300 էջէ բաղկացած հայցադիմումը փաստաբան Էրտալ Տողան յանձնած է Հաագայի միջազգային քրէական դատարան:

Հայցադիմումին մէջ Տերսիմի ցեղասպանութեան գործով մեղադրանք ներկայացուած է 81 հոգիի նկատմամբ, ինչպէս Թուրքիոյ ներկայ վարչապետ Ռեճէպ Թայիփ Էրտողանի եւ 1980-ի ռազմական յեղաշրջման հեղինակ Քէնան Էւրենի դէմ: Էրտողանի հետ կապուած հատուածին մէջ կը նշուի, թէ հակառակ անոր, որ Էրտողանը 2011 Նոյեմբեր 17-ին Տերսիմի կոտորածին համար ներողութիւն խնդրած էր, մինչեւ այսօր այդ ուղղութեամբ որեւէ տեղաշարժ չկայ, աւելին, կը շարունակուի կոտորող-ցեղասպան մտածելակերպը:

 

Յիշեցնենք, որ Տերսիմի ապստամբութիւնը թրքական իշխանութիւնները խեղդած են արեան մէջ` վերացնելով հազարաւոր գիւղեր: Տարբեր աղբիւրներու հաղորդմամբ` Տերսիմի կոտորածներին զոհուած է մինչեւ 100.000 հոգի:

 

1915-ի Հայոց Ցեղասպանութենէն փրկուած, եւ Տերսիմի տարբեր գիւղերու մէջ պատսպարուած հազարաւոր հայեր 1938-ին ենթարկուեցան կրկնակի ցեղասպանութեան:

LEAVE A REPLY

Please enter your comment!
Please enter your name here