Նախագահ Բագօ Սահակեան Մարտակերտի Ջրամատակարարման Խնդիրը Կը Համարէ Քաղաքի Ամենակարեւոր Հարցը

0
45

Արցախի Հանրապետութեան Նախագահ Բագօ Սահակեան Նոյեմբեր 25-ին այցելած է Մարտակերտ շրջկեդրոն եւ իրականացուցած է աշխատանքային խորհրդակցութիւն` նուիրուած քաղաքի ջրամատակարարման համակարգի հիմնական վերանորոգման հարցերուն: Այս մասին՝ ըստ «Արմենփրէս»-ին՝ տեղեկացուցած է ԼՂՀ նախագահի աշխատակազմի տեղեկատուութեան գլխաւոր վարչութիւնը: Համապատասխան զեկոյցով հանդէս եկած է ԼՂՀ քաղաքաշինութեան նախարար Կարէն Շահրամանեանը:

Երկրի ղեկավարը Մարտակերտ շրջկեդրոնի ջրամատակարարման խնդիրը որակած է իբրեւ արդի պայմաններու մէջ քաղաքի ընկերա-տնտեսական զարգացման ամենակարեւոր հարցը` ընդգծելով, որ աշխատանքները պէտք է իրականացուին բարձր որակով եւ հնարաւորին չափ կարճ ժամանակի մէջ:

Նախագահ Սահակեան յատուկ յանձնարարականներ տուած է շահագրգիռ մարմիններու ղեկավարներուն` նշելով, որ գործընթացը պիտի գտնուի իր անմիջական վերահսկողութեան տակ:

Խորհրդակցութեան կը մասնակցէին Մարտակերտի շրջանի վարչակազմի ղեկավար Վլատիկ Խաչատրեանը, պաշտօնատար այլ անձիք:

LEAVE A REPLY

Please enter your comment!
Please enter your name here