Լոյս Տեսած Է «Հայերու Յաղթարշաւը Սթամպուլի Մէջ» Վերնագիրով Գիրքը

0
65

«Շախմատային Հայաստան» թերթի խմբագրակազմը լոյս ընծայած է «Հայերու յաղթարշաւը Սթամպուլի Մէջ» գիրքը: Այս մասին՝ ըստ «Արմէնփրես»-ի՝ կը տեղեկացնէ Հայաստանի շախմատի ֆետերասիոնը: Գիրքը նուիրուած է շախմատի 40-րդ համաշխարհային ողիմպիականին Հայաստանի հաւաքականի տարած փայլուն յաղթանակին:

Գիրքին հեղինակ, «Շախմատային Հայաստան» թերթի խմբագիր Գագիկ Յովհաննիսեան, որ Սթամպուլի մէջ անմիջականօրէն հետեւած է մարզական խոշորագոյն իրադարձութեան ընթացքին, ականատեսի աչքերով կը ներկայացնէ ողիմպիականի ամենահետաքրքրական դրուագները, հայ շախմատիստներու ելոյթներուն մանրամասնութիւնները:

Աշխատութեան մէջ զետեղուած են ողիմպիական ախոյեաններու` Լեւոն Արոնեանի, Սերկէյ Մովսիսեանի, Վլատիմիր Յակոբեանի, Գաբրիէլ Սարգսեանի, Տիգրան Պետրոսեանի` Սթամպուլի մէջ կատարած բոլոր մրցումները, Սփիւռքէն անոնց ստացած արձագանգները, ողիմպիականներու պատմութիւնը ներկայացնող տեղեկատու ուշագրաւ նիւթեր, բազմաթիւ գունաւոր լուսանկարներ:

LEAVE A REPLY

Please enter your comment!
Please enter your name here