Էօզալի Աճիւններուն Մէջ Յայտնաբերուած Են Չորս Տեսակ Թունաւոր Նիւթեր

0
41

 Թուրքիոյ ներքին քաղաքական կեանքի զարգացումներէն մէկն է այն դիազննական քննութիւնը, որ կը կատարուի հանգուցեալ նախագահ Թուրկութ Էօզալի աճիւններուն վրայ։ Անցած շաբաթավերջին յստակ կերպով օրակարգի բերուած է այն պնդումը, թէ Էօզալ մահացած  էր թունաւորման հետեւանքով, այսինքն՝ սպաննուած էր։ Աճիւններուն մէջ գտնուած են չորս տեսակ թունաւոր նիւթեր։ Այս թոյները երկար կը մնան մարմինին մէջ եւ մասնագէտները կը կարծեն, որ անոնք նախագահին ուտեստեղէնին մէջ դրուած են գաղտնի ձեռքերու կողմէ։
Արդարադատութեան նախարարը կամ այլ բարձրաստիճան քաղաքագէտներ ցարդ կը նախընտրեն լուռ մնալ այս հարցով՝ սպասելով վերջնական տեղեկագիրին: Քննութիւն կատարողները չեն հերքած տարածուած այն տեղեկութիւնները, թէ չորս թոյնի տեսակներ գտնուած են արդէն:
Յայտնենք, թէ այսօր Երեքշաբթի նաեւ պիտի բացուի խորհրդաւոր պայմաններու մէջ մահացած Պաղեստինեան Ի շխանութեան նախագահ Եասեր Արաֆաթի գերեզմանը՝ քննելու համար այն վարկածը, թէ ան եւս դաւադրութեան մը զոհ դարձած  է:

LEAVE A REPLY

Please enter your comment!
Please enter your name here