Ցեղասպանութեան 100-Ամեակին Նուիրուած` Համաշխարհային Դրոշմանիշերու Ցուցահանդէս

0
60

Ցեղասպանութեան 100-ամեայ տարելիցին նուիրուած` 2015-ին տեղի պիտի ունենայ Համաշխարհային դրոշմանիշերու ցուցահանդէս: Այս մասին Armenpress.am-ի հաւաստացմամբ նշած է Հայաստանի դրոշմահաւաքներու միութեան նախագահ Յովիկ Մուսայէլեան` ընդգծելով, որ ցուցահանդէսին պիտի ներկայացուին Հայոց Ցեղասպանութեան թեմայով ամբողջ աշխարհի դրոշմահաւաքներու մօտ հաւաքուած դրոշմանիշերու, բացիկներու եւ ծրարներու մեծ ու հետաքրքրական հաւաքածուն: «Համատեղ ցուցահանդէսի անցկացումը թոյլ կը տայ ի մի բերել այդ ցուցանմուշները եւ ներկայացնել համաշխարհային հանրութեանը»,- ըսած է ան:

Արդէն համաձայնութիւն կայ ՀՀ ԳԱԱ Հայոց Ցեղասպանութեան թանգարան-հիմնարկի տնօրէնի հետ, եւ կազմակերպչական աշխատանքներ կը տարուին նամականիշերու, բացիկներու եւ ծրարներու մասին տեղեկութիւններու հաւաքագրման ուղղութեամբ: «Հայկ Դեմոյեանն առիթը բաց չի թողնում իր արտասահմանեան այցերի ժամանակ իրազեկելու տեղի ֆիլատելիստներին (դրոշմահաւաք): Այժմ նախնական ինուենտարիզացիայի փուլում ենք` հասկանալու համար, թէ ինչ մասշտաբի ցուցահանդէս է լինելու»,- ըսած է Մուսայէլեան:

Հակառակ անոր, որ ցուցահանդէսը կը նախատեսուի իրականացնել Երեւանի մէջ, այնուհանդերձ նպատակ կայ զայն  այլ երկիրներու մէջ եւս ցուցադրելու: «Մենք այդ ցուցահանդէսն այնպիսի մակարդակով պէտք է անենք, որ լինի շարժական եւ ապագայում ցուցադրուի տարբեր երկրներում, այդ թւում` նաեւ Թուրքիայում»,- նշած է ան:

Թէեւ միջազգային ցուցահանդէսը տեղի պիտի ունենայ 2015-ին, այնուամենայնիւ, մինչ այդ ամէն տարի Հայաստանի մէջ կը նախատեսուի նամականիշներ թողարկել այդ եւ յարակից թեմաներով, ինչպէս նաեւ կազմակերպել բազմապիսի ցուցահանդէսներ:

Հայաստանի դրոշմահաւաքներու միութիւնը Համաշխարհային դրոշմահաւաքական եւ Եւրոպական ընկերակցութիւններու լիիրաւ անդամ է: Տասնամեակներու պատմութիւն ունեցող Հայաստանի դրոշմահաւաքներու միութիւնը Հարաւային Կովկասի մէջ միակն է, որ կ’անդամակցի Համաշխարհային եւ Եւրոպական դրոշմահաւաքական ընկերակցութիւններուն:

LEAVE A REPLY

Please enter your comment!
Please enter your name here