ՀՀ-ի Մէջ 18 Տարեկանէն Փոքր Երեխաներու 4.7 Տոկոսը Ծայրայեղ Աղքատ է UNICEF

0
13

 Համաձայն « Հայաստանի սոցիալական պատկերը եւ աղքատութիւնը 2012թ.» զեկոյցի` Հայաստանի մէջ 18 տարեկանէն ցած երեխաներու 4.7 տոկոսը ծայրայեղ աղքատ է եւ 41.9 տոկոսը` աղքատ: Այս մասին կ’ահազանգէ ՄԱԿ-ի մանկական հիմնադրամի հայաստանեան գրասենեակը (UNICEF):

«Հայաստանի մէջ մանկական աղքատութեան ցուցանիշի աճ կը նկատուի 2010-ի տուեալներուն համեմատ (ծայրայեղ աղքատ երեխաներու 3.7 տոկոսը եւ աղքատ երեխաներու 41.4 տոկոսը): Հաշմանդամութիւն ունեցող երեխաները կամ այլ հաշմանդամ երեխաներու հետ ապրող երեխաները ամենաաղքատն են: Հայաստանի մէջ հաշմանդամութիւն ունեցող երեխաներուն մէջ աղքատութեան ցուցանիշը մօտ 65 տոկոս է, մինչդեռ անոնց 8 տոկոսը ծայրայեղ աղքատ է:

UNICEF-ը կոչ կ’ուղղէ հրատապ քայլեր ձեռնարկելու Հայաստանի մէջ մանկական աղքատութեան խնդրին արձագանգելու համար` աւելցնելով պիւտճէտային յատկացումները, գործողութիւններու ծրագրեր իրականացնելու, որ պիտի ապահովէ երեխաներու եւ իրենց ընտանիքներու համար հասարակական պաշտպանութեան համակարգերու լիարժէք հասանելիութիւնը, խոցելի ընտանիքներու եւ հաշմանդամութիւն ունեցող երեխաներով ընտանիքներու համար հասարակական ծառայութիւններու ստեղծումը, որ պիտի նպաստէ երեխաներու հաստատութիւններուն մէջ, ինչպէս օրինակ մանկատուներու, գիշերօթիկ հաստատութիւններու, գիշերային խնամքի կեդրոններու մէջ յայտնուելու կանխարգելման եւ հաշմանդամութիւն ունեցող երեխաներու ընդելուզման հասարակութիւն»:

LEAVE A REPLY

Please enter your comment!
Please enter your name here