Ատրպէյճան Դրական Արդիւնքներ Չի Տեսներ Մինսքի Խումբի Նախագահներու Վերջին Այցէն

0
47

Երեքշաբթի, Նոյեմբեր 27-ին, Ատրպէյճանի արտաքին գործոց նախարար Էլմար Մամետիարով յայտարարեց, թէ ԵԱՀԿ Մինսքի խմբակի համանախագահներու տարաշրջան կատարած վերջին այցելութեան ընթացքին ի յայտ եկած է, թէ համանախագահները կը փորձեն բանակցութիւնները առաջ մղել, սակայն «դժբախտաբար, համանախագահներու Հայաստան կատարած այցելութեան ընթացքին խորհրդակցութեանց արդիւնքները առիթ չեն տար դրական ոճով արտայայտուելու»:
Ըստ Մամետիարովի՝ իր յոռետեսութեան պատճառը այն է, թէ Հայաստան կը շարունակէ պնդել իր «ոչ մէկ թիզ հող եւ ոչ մէկ քայլ ետ» կեցուածքին վրայ:
Արտաքին գործոց նախարարին համաձայն՝ Լեռնային Ղարաբաղի մէջ ներկայ կացութիւնը պէտք է փոխուի, որովհետեւ տագնապին շարունակութիւնը կրնայ կացութիւնը հասցնել «անբաղձալի վիճակներու»: Ան կրկնեց, թէ տագնապը պիտի լուծուի միայն երբ հայկական ուժերը հեռանան «ատրպէյճանական բռնագրաւեալ տարածքներէն»:

LEAVE A REPLY

Please enter your comment!
Please enter your name here