Հայաստանի Մէջ ՄԻԱՎ-ի Հետեւանքով Այս Տարի Մահացած է 19 Մարդ

0
22

Այս տարուան առաջին ինն ամիսներու ընթացքին Հայաստանի մէջ Մարդու իմունային անբաւարարութեան վարակէն (ՄԻԱՎ) յառաջացած հիւանդութիւններու հետեւանքով արձանագրուած է մահուան 19 դէպք: Այս տուեալները հրապարակած է Ազգային վիճակագրական ծառայութիւնը:

Մահուան դէպքերը նախորդ տարուան նոյն ժամանակահատուածին համեմատ գրեթէ եռապատկուած են` 2011 Յունուար-Սեպտեմբերի ընթացքին արձանագրուած էր մահուան վեց դէպք:

Ըստ ծառայութեան հրապարակած տուեալներուն, Յունուար-Սեպտեմբերի ընթացքին հետազօտուած է 45.610 կին եւ 15.474 տղամարդ, պարզուած է, որ ՄԻԱՎ վարակակիր է 49 կին եւ 119 տղամարդ: Այս տարուան ինն ամիսներուն յայտնաբերուած վարակակիրներէն վեցը երեխայ են` երկու աղջիկ եւ չորս տղայ:

Նախորդ տարուան նոյն ժամանակահատուածին արձանագրուած է վարակակիր 54 կին եւ 91 տղամարդ, անոնց մէջ եղած է երկու երեխայ, որոնք ծնած են ՄԻԱՎ-ով վարակակիր մայրերէ:

LEAVE A REPLY

Please enter your comment!
Please enter your name here