«Ոսկեգոյն Երանգներով Հրեշտակ»-ը՝ Երեւանի Այս Տարուան Ամանորի Խորհրդանիշ

0
34

Ամանորի տօներուն Երեւանի խորհրդանիշը ոսկեգոյն երանգներով հրեշտակը պիտի ըլլայ, իսկ տօնական ձեւաւորումները պիտի իրականացուին նոր մշակուած Ամանորի հայեցակարգի հիման վրայ. մայրաքաղաքը այս տարուան տօնական օրերուն պիտի ներկայանայ ոսկեգոյն եւ կապոյտ գոյներով: Այս մասին «Արմենփրէս»-ին տեղեկացուցած է Երեւանի քաղաքապետարանի աշխատակազմի արտաքին ձեւաւորման եւ գովազդի վարչութիւնը: Մայրաքաղաքի տօնական ձեւաւորումները արդէն սկսած են եւ պիտի ընթանան մինչեւ Դեկտեմբեր 20:

Հանրապետութեան Հրապարակի մէջ տեղադրուած գլխաւոր տօնածառը ամբողջութեամբ պատրաստ պիտի ըլլայ Դեկտեմբեր 15-ին, իսկ լոյսերը վառելու արարողութիւնը տեղի պիտի ունենայ Դեկտեմբեր 20–ին: Հանրապետութեան գլխաւոր եղեւնիի ճիւղերը պիտի բերուին Հայաստանի տարբեր մարզերէ` ծառերու մարքրագործման արդիւնքով: Տօնածառի բարձրութիւնը պիտի ըլլայ 32 մեթր: Մայրաքաղաքի տօնական զարդարման համար բաւարար միջոցներ կան, որոնք պիտի յատկացուին համայնքային պիւտճէէն, ինչպէս նաեւ գործընկերներու նուիրատութեամբ:

Տօնական ձեւաւորում պիտի ունենան մայրաքաղաքի բոլոր վարչական շրջանները: Ամանորի տօներուն բազմաթիւ անակնկալներ եւ տօնական ձեռնարկներ կը նախատեսուին:

LEAVE A REPLY

Please enter your comment!
Please enter your name here