Դամասկոսի Ճարամանա Շրջանին Մէջ Տեղի Ունեցած Պայթումներու Զոհերուն Թիւը Հասած Է Չորս Տասնեակի

0
23

Դամասկոսի հայաշատ Ճարամանա թաղամասին մէջ Նոյեմբեր 28-ի առաւօտեան տեղի ունեցած ըրկու պայթումներուն հետեւանքով տասնեակ մարդիկ զոհուած են եւ վիրաւորուած: Այս մասին կը հաղորդէ «Արմէնփրես»-ի Դամասկոսի աղբիւրը: Ըստ աղբիւրին` չորս պայթումներու հետեւանքով զոհերու թիւը արդէն հասած է չորս տասնեակի: Տակաւին տեղեկութիւններ չկան արդեօք տուժածներուն մէջ հայեր կան, թէ ոչ: Հիւանդանոցները լեփ-լեցուն են վիրաւորներով:

Սուրիական ՍԱՆԱ գործակալութիւնը կը տեղեկացնէ, որ այլ երկու պայթիւններ տեղի ունեցած են Նահտա եւ Քարիաթ թաղամասերուն մէջ, որոնց հետեւանքով, բացի մարդկային վնասներէ, մեծ նիւթական վնասներ կրած են շրջակայ շինութիւնները, առեւտրային կեդրոնները եւ մեքենաները:
Ջարամանայի բնակչութեան մեծամասնութիւնը քրիստոնեաներ են, որոնց շարքին` աւելի քան 400 հայ ընտանիք:

«Սուրիահայութեան շտապ օգնութեան մարմին»-ի կազմակերպութեան անդամներէն Ռաֆֆի Աւետիսեան տեղեկացուցած է, որ առկայ տուեալներուն համաձայն` Սուրիոյ մէջ մօտ 20 ամիս շարունակուող բախումներու հետեւանքով զոհուած է 40 եւ վիրաւորուել 66 հայ: Նաեւ եօթ առեւանգուած հայեր կան եւ երկու անյայտ կորած զինծառայողներ: Շուրջ 200 բնակարաններ վնասուած են:

LEAVE A REPLY

Please enter your comment!
Please enter your name here