Հալէպի Հայկական Թաղամասին Մէջ Պայթիւններու Եւ Կրակոցներու Ձայներ Կը Լսուին. Ժիրայր Ռէյիսեան

0
40

  Հալէպի կեդրոնական թաղամասերուն մէջ թէպէտ իրավիճակը հանգիստ է, սակայն հայկական Նոր Գիւղ թաղամասի մերձակայքին պայթիւններու եւ կրակոցներու ձայներ կը լսուին: Այս մասին «Արմէնփրես»-ին տեղեկացուցած է Բերիոյ թեմի ազգային առաջնորդարանի մամլոյ քարտուղար Ժիրայր Ռէյիսեան` աւելցնելով, որ դիպուկահարները նոյնպէս կը շարունակեն անդադար փամփուշտներ արձակել:

Ռէյիսեան նաեւ տեղեկացուցած է, որ հայազգի Արմէն Ճուքճուքեանը Նոյեմբեր 27-ին վերադարձած է տուն պահանջուած փրկագինը վճարելէ ետք: Ճուքճուքեան օրեր առաջ առեւանգուած էր Գամիշլիէն Հալէպ տանող ճանապարհին վրայ:

Ինչ կը վերաբերի Հոկտեմբերի վերջաւորութեան Պէյրութէն Հալէպ տանող ճանապարհին վրայ առեւանգուած հայերուն, ապա Ռէյիսեան նշեց, որ անոնց մասին տեղեկութիւններ չկան, վիճակը անորոշ կը մնայ: Կը շարունակուին աշխատանքները զանոնք գտնելու եւ ազատ արձակելու ուղղութեամբ:

Մամուլի քարտուղարին տեղեկացումով` Սուրիոյ հիւսիսային քաղաքները կը շարունակեն վտանգի տակ  մնալ: Հայաշատ Քեսապի մօտակայքին իրավիճակը նոյնպէս լարուած է:

Դամասկոսի մօտակայքում գտնուող Ջարամանա թաղամասին մէջ այսօր՝ Նոյեմբեր 28-ին տեղի ունեցած պայթումներու հետեւանքով, Սուրիական ՍԱՆԱ գործակալութեան տեղեկութիւններուն համաձայն՝ զոհուած է 34, վիրաւորուած 83 մարդ, որոնց շարքին` կանայք եւ երեխաներ:

 

LEAVE A REPLY

Please enter your comment!
Please enter your name here