Հայաստանի Մէջ 23 Հազարով Աւելցած Է Ծայրայեղ Աղքատներու Թիւը

0
60

Ազգային վիճակագրական ծառայութեան (ԱՎԾ) տուեալներով` 2011թուականի ընթացքին մօտ 22 հազար աղքատ Հայաստանի մէջ «հարստացած է», իսկ 23 հազար հոգի` ա՛լ աւելի աղքատացած: Մէկ տարուան ընթացքին երկրի մէջ խորացած է բնակչութեան ընկերային բեւեռացումը:
Պաշտօնական վիճակագրութեան տուեալներով` 2011-ին Հայաստանի մէջ մօտ 120 հազար մարդ եղած է ծայրայեղ աղքատ, այսինքն` ամսական եկամուտը չէ գերազանցած 21,3 հազար դրամը:

Մէկ տարուան ընթացքին Հայաստանի մէջ 23 հազարով աւելցած է թեր սնանողներու թիւը. անոնք սպառման համար ամսական կը ծախսեն միջինը 18,6 հազար դրամ: Ըստ ԱՎԾ-ի` աղքատութեան գիծը անցեալ տարի եղած է 21,3 հազար դրամ, այն պարագային, երբ Հայաստանի մէջ պարէնային զամբիւղի ամսական արժէքը կազմած է 23,6 հազար դրամ, նուազագոյն սպառողական զամբիւղինը` 41,8 հազար դրամ:

ԱՎԾ տուեալներով` անցեալ տարի մշտական բնակչութեան ցուցանիշի հաշիւով Հայաստանի մէջ աղքատ եղած է մօտ 1,1 միլիոն մարդ կամ բնակչութեան աւելի քան 1/3-ը: ԱՎԾ-ի «Հայաստանի ընկերային պատկերը եւ աղքատութիւնը, 2011» հրապարակման համաձայն` 2011-ին Հայաստանի մէջ աղքատութեան մակարդակը կազմած է 35%. շատ աղքատ եղած է բնակչութեան 19,9%-ը, ծայրայեղ աղքատ` 3,7%-ը: 2011,ին, նախորդող տարուան համեմատ, աղքատներու թուաքանակը նուազած է մօտ 22 հազարով, շատ աղքատներունը` 43 հազարով, ծայրայեղ աղքատներու թուաքանակը, ընդհակառակը, աճած է 23 հազարով:

Վիճակագիրները թէեւ աղքատութեան նուազում արձանագրած են, սակայն մտահոգիչը ծայրայեղ աղքատութեան խորացումն է: Եթէ 2010յին նախորդող տարուան համեմատ ծայրայեղ աղքատներու թիւը կրճատուած էր 19 հազարով, ապա 2011-ին տեղի է ունեցած 23 հազարով աճ: Անցեալ տարի Հայաստանի մէջ ծայրայեղ աղքատներու թիւը 3 հազարով նոյնիսկ գերազանցած է ճգնաժամային 2009 թուականի ցուցանիշը (ծայրայեղ աղքատներու թիւը` 117 հազար):

 

LEAVE A REPLY

Please enter your comment!
Please enter your name here