Ռուսիա եւ ՄԱԿ-ի Գլխաւոր Քարտուղարը Քննադատած Են Ճարամանայի Ահաբեկչութիւնը

0
24

Ռուսիոյ արտաքին գործոց նախարար Սերկէյ Լաւրով խստօրէն քննադատած է Դամասկոսի Ճարամանա թաղամասին մէջ Նոյեմբեր 28-ին տեղի ունեցած ահաբեկչութիւնները` յայտարարելով, որ նման արարքի համար որեւէ արդարացում չի կրնար ըլլալ:

Այս մասին կը հաղորդէ «Արմենփրես»-ը` վկայակոչելով սուրիական ՍԱՆԱ գործակալութիւնը: Լաւրով նաեւ աւելցուցած է, որ նման անմարդկային գործողութիւնները միջազգային ահաբեկչական կազմակերպութիւններու, մասնաւորապէս` «Քայիտա»-ի մեթոտներն են: «Նման յանցագործութիւններու նպատակը երկրին մէջ անկայուն վիճակ ստեղծելն է»,-յայտարարած է ԱԳ նախարարը` իր խորին ցաւակցութիւնները յայտնելով զոհուածներու եւ վիրաւորներու հարազատներուն:

Ջարամանայի մէջ տեղի ունեցած ողբերգութիւնը քննադատած է նաեւ ՄԱԿ-ի Անվտանգութեան Խորհուրդի գլխաւոր քարտուղար Պան Քի Մուն` ընդգծելով, որ որեւէ հիմք չկայ յարձակում իրականացնելու քաղաքացիներու վրայ: Ան անընդունելի համարած է կատարուած ահաբեկչութիւնը:

Սուրիական ՍԱՆԱ գործակալութեան տեղեկութիւններուն համաձայն` Ջարամանա թաղամասին մէջ տեղի ունեցած պայթումներու հետեւանքով 34 մարդ զոհուած է եւ վիրաւորուած 83 մարդ: Այլ արաբական աղբիւրներ կը տեղեկացնեն 50-էն աւելի զոհերու եւ 120-էն աւելի վիրաւորներու մասին:

 

LEAVE A REPLY

Please enter your comment!
Please enter your name here