Սուրիոյ Ընդդիմութիւնը Կը Մեղադրէ Թուրքիան

0
53

Սուրիոյ կառավարութեան դէմ պայքար մղող` «Սուրիոյ ազգային համաձայնութենէն» դուրս ընդդիմադիրներու հովանիին տակ գործող «Դեմոկրատական փոփոխութեան համար Ազգային համակարգող» խորհուրդը Թուրքիան մեղադրած է իր տարածքով Սուրիա արաբ զինեալ մարտիկներ մտցնելուն մէջ:

Ինչպէս կը հաղորդէ «Արմենփրէս»-ը, «Դեմոկրատական փոփոխութեան համար Ազգային համակարգող կոմիտէ»-ի խօսնակ Հէյթամ Մեննա «Ռուսաստանի ձայն» ձայնասփիւռի կայանին տուած հարցազրոյցի ընթացքին յայտարարած է. «Այդ կռուողները վնաս կը հասցնեն Սուրիոյ: Ցաւալի է, որ Թուրքիոյ նման քաղաքական ուժերը կ’օգնեն անոնց թափանցումին Սուրիա, եւ այստեղ նպատակը միայն Սուրիան չէ: Մեր երկիրը այդ նպատակին միայն մէկ օղակն է»:

Հասան Ապտըլ Ազիմի գլխաւորութեամբ «Դեմոկրատական փոփոխութեան համար Ազգային համակարգող կոմիտէ»-ն այդ երկրին մէջ օրերս կազմաւորուած Սուրիոյ ազգային համաձայնութենէն ետք կը հանդիսանայ «ամենակարեւոր ընդդիմադիր խումբը», որուն մէջ 13 ընդդիմադիր կուսակցութիւններ կը մտնեն: Շարք մը երկիրներ Սուրիոյ ազգային համաձայնութիւնը արդէն ճանչցած են իբրեւ Սուրիան ներկայացնող օրինական կառոյց:

 

LEAVE A REPLY

Please enter your comment!
Please enter your name here