Իսլամական Բարեսիրական Խորհուրդի Ներկայացուցիչները Հայաստան Պիտի Այցելեն

0
44

ՀՀ սփիւռքի նախարար Հրանոյշ Յակոբեան Նոյեմբեր 29-ին ընդունած է Հայաստանի մօտ Քուէյթի արտակարգ եւ լիազօր դեսպան Պասսամ Մուհամմատ ալ Քապանտին: Այս մասին կը տեղեկացնեն ՀՀ սփիւռքի նախարարութենէն:

Սփիւռքի նախարարի հետ նախորդ հանդիպման ընթացքին` դեսպանը պատրաստակամութիւն յայտնած էր սուրիահայերուն առնչուող խնդիրներու մասին զեկուցելու իր երկրի ղեկավարութեան, այնուհետեւ սահմանել համագործակցութեան տարբերակներ:

Պարոն Պասսամ Մուհամմատ ալ Քապանտի նախարարին տեղեկացուցած է, որ անոր` Քուէյթ կատարած այցի ընթացքին համաձայնութիւն ձեռք բերուած է Հայաստանի մէջ գտնուող սուրիահայերուն 100.000 ԱՄՆ տոլարի սահմաններու մէջ աջակցութիւն ցուցաբերելու վերաբերեալ:

Նախարար Յակոբեան հանգամանօրէն ներկայացուցած է Հայաստանի մէջ գտնուող սուրիահայերու հիմնախնդիրները եւ աջակցութեան ծրագրերը իրականացնելու այն անհրաժեշտ ուղղութիւնները, որոնց պէտք է առանձնայատուկ ուշադրութիւն եւ առաջնահերթութիւն յատկացնել:

Համաձայնութիւն ձեռք բերուած է, ըստ որուն յառաջիկային Հայաստան պիտի այցելեն Իսլամական բարեսիրական Խորհուրդի ներկայացուցիչները: Սփիւռքի նախարարութեան օգնութեամբ անոնք տեղւոյն վրայ պիտի ուսումնասիրեն եւ պիտի ծանօթանան իրավիճակին, այնուհետեւ` համատեղ պիտի կազմակերպուին եւ պիտի իրականացուին աջակցութեան ծրագրերը:

LEAVE A REPLY

Please enter your comment!
Please enter your name here