عقاب صقر تلقى طلبية السلاح من ابو النعمان وابو ابراهيم يتقاضى 50 الف دولار شهرياً

0
39
 

نشرت صحيفة “الاخبار”، تسجيلات صوتية للنائب عقاب صقر تثبت تورط الاخير ورئيس الحكومة السابق سعد الحريري، بتسليح المعارضة السورية ودعم الجيش السوري الحر.

وستقوم صحيفة “الاخبار” بنشر التسجيلات الصوتية ، على ثلاث دفعات .

وفي ما يلي، نص التسجيل الأول المنقول عن صحيفة “الاخبار”، لاتصال بين النائب عقاب صقر وأحد قادة المعارضة السورية المسلحة واسمه “ابو النعمان” :

أبوالنعمان: “السلام عليكم”.

عقاب صقر: “وعليكم السلام تفضل”.

أبو النعمان : “يا أستاذ عقاب نحن جماعة مزنوئين كتير ومحاصرين ، ويعني ما في يوم يومين بتسقط المنطقة عنّا يعني قصف طيران ومدفعية فوزديكا ما في محور من المحاور الا وعمبيضربونا منو فرجاء ساعدونا بدنا سلاح”.

عقاب صقر:” تفضل قلّي السلاح اللي بدك شو يعني تحديداً شو الكميات؟” .

أبو النعمان: “يعني الحقيقة بدنا شي 300 حبة آر بي جي وعشرين قاذف واذا امكن توفير 250 ألف طلقة روسية ، و300 بارودة على سلاح نوعي اذا في مجال”.

عقاب صقر: “كل هول لأي منطقة بدكن ياهن تحديداً”؟

أبو النعمان: “أعزاز تل رفعت عندان وريف حلب بالكامل وانت عرفان شو عمبيصير عنّا يعني. من مبارح صار فايتين علينا من ثلاث محاور تقريبا من ادلب (…) ومن جوا حلب عمبيطلعولنا شبيحة” .

عقاب صقر:” طيب مين بدو يستلم وين بدو يصير التسليم كيف بدا تتم العملية؟ “.

أبو النعمان:” هو التسليم متل العادة بيقسموهن… بيكون هونيك أبو البراء مع الشباب والسيارات بيستلموهن وبوجهن على حلب ، بس بدنا بأسرع وقت ممكن لأنو بتعرف الحاجة كبيرة والقصف شغال والمجاميع مفرقة ذخيرة ما في ، يعني الشباب كل واحد يا دوب معاه مخزن مخزنين وبتعرف الاستهلاك كبير فدبرونا بأي طريقة من الطرق الله يخليك . ما بعرف شو بدي قلك ما في من بعد الله الاّ غيركن ” .

عقاب صقر: “إنت رح تكون على التسليم؟” .

أبو النعمان:”لا أخوي بيكون أبو النور مع الشباب والسيارات متل العادة بيستلموا منك . “

واكد المصدر الذي أعطى التسجيلات لصحيفة “الأخبار” ، وهو شاب يعمل مع النائب صقر في غرف العمليات التي أنشئت خصيصا لدعم الثورة السورية ، بان هناك علاقة وطيدة تربط صقر بخاطف الزوار اللبنانيين المدعو ابو ابراهيم ، كاشفا عن أن مخصصاً شهرياً يُدفع لابو ابراهيم قدره خمسون ألف دولار اميركي ، وان شبانا من مكتب صقر كانوا سلموه المال باليد .

وستنشر ” الاخبار”غداً ،ان بإمرة صقر غرف عمليات عسكرية بين لبنان وتركيا .

LEAVE A REPLY

Please enter your comment!
Please enter your name here