Հայկ Դեմոյեան Պարգեւատրած Է «Ազդակ»-ի Գլխաւոր Խմբագիր Շահան Գանտահարեանը

Հայոց ցեղասպանութեան թանգարան-հիմնարկի տնօրէն Հայկ Դեմոյեան «Հենրի Մորկընթաու» երախտագիտութեան մետալ յանձնեց «Ազդակ» օրաթերթի գլխաւոր խմբագիր եւ տնօրէն Շահան Գանտահարեանին:

«Հայերն այսօր»-ը, յղում կատարելով Հայոց ցեղասպանութեան թանգարան-հիմնարկին, կը նշէ, թէ վերջինս կը գնահատէ եւ կարեւոր կը նկատէ «Ազդակ»-ի խմբագրութեան, մասնաւորապէս՝ գլխաւոր խմբագիր Շահան Գանտահարեանի աջակցութիւնը եւ մասնակցութիւնը Հայկ Դեմոյեանի՝ Հայոց ցեղասպանութեան 100-րդ տարեկիցին նուիրուած ձեռնարկներու  համակարգող պետական յանձնաժողովի քարտուղարի լիբանանահայ համայնքին հետ տարուած աշխատանքներուն:

Հայոց ցեղասպանութեան թանգարան-հիմնարկը եւ Լիբանանի մէջ լոյս տեսնող «Ազդակ» օրաթերթը տարիներէ ի վեր ունին սերտ համագործակցութիւն: «Ազդակ»-ի էջերուն մէջ կը հրատարակուին Հայոց ցեղասպանութեան թանգարան-հիմնարկին գործունէութիւնը լուսաբանող եւ անոր կայքին մէջ հրապարակուող տեղեկութիւններ: «Ազդակ բացառիկ»-ի թիւերուն մէջ լոյս կը տեսնեն նաեւ թանգարան-հիմնարկի գիտաշխատողներու յօդուածները:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button
 

STAINLESS STEEL

 

–>