Օհանեան, Յովհաննէսեան Եւ Օսկանեան Ընտրութիւններուն Պիտի Մասնակցին Դաշինքով

Պաշտպանութեան նախկին նախարար Սէյրան Օհանեան, «Ժառանգութիւն» կուսակցութեան առաջնորդ Րաֆֆի Յովհաննէսեան եւ նախկին արտաքին գործոց նախարար, «Համախմբում» կուսակցութեան առաջնորդ Վարդան Օսկանեան յառաջիկայ ընտրութիւններուն պիտի մասնակցին միասնական ցուցակով:

«Ժառանգութիւն» կուսակցութեան փոխնախագահ Արմէն Մարտիրոսեան «Ազատութիւն» ձայնասփիւռի կայանին փոխանցեց, որ ոչ թէ իրենք կը միանան որեւէ դաշինքի, այլ, մտահոգուած ըլլալով երկրին մէջ ստեղծուած վիճակով, երեք պետական գործիչներ գործունէութեան միասնական հարթակ ստեղծած են:

Պաշտպանութեան եւ արտաքին գործոց նախկին նախարարները այսօր` երկուշաբթի, 13 փետրուարին յուշագիր պիտի ստորագրեն:

Նշենք, որ պաշտպանութեան նախկին նախարար Սէյրան Օհանեանի շուրջ դաշինք ձեւաւորած էին Վարդան Օսկանեանի «Համախմբում» եւ Վիքթոր Դալլաքեանի «3-րդ Հանրապետութիւն» կուսակցութիւնները: Վերջինս, սակայն, ըստ լրատուամիջոցներու տեղեկութիւններուն, մտադիր է լքել համագործակցութեան այս ձեւաչափը:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button

 

STAINLESS STEEL