Հանրապետական Ցուցակը Կը Գլխաւորէ Պաշտպանութեան Նախարարը

ԵՐԵՒԱՆ, «Թերթ».-  Երեքշաբթի, 14 Փետրուարին, Հայաստանի հանրապետական կուսակցութեան  (ՀՀԿ) Գործադիր մարմինի նիստէն ետք ՀՀԿ խօսնակ Էդուարդ Շարմազանով լրագրողներու հետ հանդիպեցաւ ու անոնց փոխանցեց, որ ՀՀԿ համամասնական ցուցակը պիտի գլխաւորէ պաշտպանութեան նախարար Վիգէն Սարգսեան:

Շարմազանով ներկայացուց ցուցակի առաջին 10 անձերը եւ նշեց, որ համամասնական ցուցակը բաղկացած է 64 ներկայացուցիչներէ, իսկ  տարածքայինը՝ բաղկացած է 133 քաղաքացիներէ:

ՀՀԿ ընտրական ցուցակի առաջին տասնեակի անուններն են՝ Վիգէն Սարգսեան, Տարօն Մարգարեան, Արփինէ Յովհաննիսեան, Արա Բաբլոյեան, Արմէն Ամիրեան, Արմէն Աշոտեան, Էդուարդ Շարմազանով, Մարգարիտ Եսայեան, Սամուէլ Ֆարմանեան եւ Կարէն Աւագեան:

ՀՀԿ ընտրական շտապը, ըստ Շարմազանովի,  յստակ մէկ ղեկավար պիտի չունենայ: ՀՀԿն որոշած է, որ շտապը պիտի ղեկավարուի Գործադիր մարմինի կողմէ՝  նախագահ Սերժ Սարգսեանի գլխաւորութեամբ:

«Գործադիր մարմինը կը համակարգի եւ կը գլխաւորի ՀՀԿի նախընտրական քարոզարշաւը ապրիլեան ընտրութիւններին», յայտնած է Շարմազանով, աւելցնելով, որ «եթէ ՀՀԿն կազմի կառավարութիւն, ապա վարչապետը կը լինի Կարէն Կարապետեանը»:

Շարմազանով, պատասխանելով այն հարցումին, թէ ինչու նախագահ Սերժ Սարգսեանն ու վարչապետ Կարէն Կարապետեանը չեն գլխաւորեր կուսակցութեան համամասնական ցուցակը՝ յայտնեց, որ կուսակցութեան նախագահը այդպէս որոշած է:

«Մենք քննարկել ենք այդ հարցը գործադիր մարմնում ու այդպէս ենք նպատակայարմար գտել, ինչ վերաբերում է պարոն Կարապետեանին, պատճառը շատ լաւ գիտէք, ինքը խօսել է այդ մասին», ըսած է Շարմազանով, հասկցնելով, որ Հայաստանի վարչապետ Կարէն Կարապետեանը ՀՀԿ համամասնական ցուցակին մէջ չէ ընդգրկուած գրանցման հետ կապուած խնդիրներու պատճառով:

Կարդացէք նաև

«ՄԵՐ ՄԻԱԲԱՆՆԵՐՈՒՆ ՀԱՄԱՐ ՀԱՄԱԼՍԱՐԱՆԱԿԱՆ ՈՒՍՈՒՄԸ ՀՐԱՄԱՅԱԿԱՆ ԱՆՀՐԱԺԵՇՏՈՒԹԻՒՆ Է» Ն.Ս.Օ.Տ.Տ. ԱՐԱՄ Ա. ԿԱԹՈ...
ՄԻՆՉ ԱՐԵՒՄՈՒՏՔԸ ՄԱԳԼՑՈՒՄԻ ԿԸ ՄՂԷ ՈՒՔՐԱՆԻՈՅ ՏԱԳՆԱՊԸ, ԽՐԻՄԻ ԽՈՐՀՐԴԱՐԱՆԸ ՈՐՈՇԵՑ ՌՈՒՍԻՈՅ ՄԻԱՆԱԼ
Աւագ Հինգշաբթի՝ Տէր Յիսուս Քրիստոսի Վերջին Ընթրիքի Յիշատակութեան եւ Սբ Հաղորդութեան Խորհուրդի Հաստատ...
Ազատամարտիկներուն Աճիւնները Ամփոփուեցան Սիսիանի Պանթէոնին Մէջ
Ֆրանսա Հաւատարիմ Կը Մնայ Արցախի Տագնապին Կարգաւորման Հետ Կապուած Իր Պարտաւորութեանց. Մաքրոն

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button