Սփիւռքի Ներուժի Օգտագործման Ուղղուած Աշխատանքները Ներկայացուած Են Վարչապետին

ԵՐԵՒԱՆ.- Հայաստանի վարչապետ Կարէն Կարապետեան այցելեց «Ռազմավարական նախաձեռնութիւնների կենտրոն», ուր  խորհրդակցութեան ընթացքին քննարկուեցան Հայաստանի մէջ զանազան ներդրումի ծրագրերու եւ կառավարման ոլորտին մէջ Սփիւռքի ներգրաւման ու գոյութիւն ունեցող ներուժի օգտագործման ուղղուած հարցեր:

Հայաստանի սփիւռքի նախարար Հրանոյշ Յակոբեան մանրամասն կերպով ներկայացուց Սփիւռքի հայկական գաղթօջախներուն հետ համագործակցութեան ուղղութիւնները եւ նշեց, որ կազմուած է աշխարհի գրեթէ բոլոր երկիրներուն մէջ  հայ համայնքներուն հետ յարաբերութիւններու լայն ցանց մը: Ըստ Հրանոյշ  Յակոբեանի՝ կատարուած են լայնածաւալ աշխատանքներ Սփիւռքի կարելիութիւնները Հայաստանի եւ Արցախի զարգացման համար ուղղելու նպատակով, որոնց իբրեւ արդիւնք կան բազմաթիւ յաջող օրինակներ:

Վարչապետ Կարապետեան կարեւոր նկատեց Սփիւռքի հետ աշխոյժ համագործակցութիւնը եւ նախարարին յանձնարարեց շահագրգիռ գերատեսչութիւններու, «Ռազմավարական նախաձեռնութիւնների կենտրոն»ի հետ, արդէն մշակուած ներդրումի ծրագրերու փաթեթները հետեւողականօրէն ներկայացնել սփիւռքահայ ներդրողներուն:

Կարէն Կարապետեան ընդգծեց, որ անհրաժեշտ է սփիւռքի նախարարութեան կողմէ կազմուած ցանցը աւելի առարկայական կերպով օգտագործել եւ այդ աշխատանքներուն մէջ ներգրաւել նաեւ Հայաստանի դեսպանութիւնները:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button

 

STAINLESS STEEL