Պոլսոյ Մէջ Լոյս Տեսաւ «Օրորա»ի Թրքերէն Տարբերակը

ՊՈԼԻՍ, «Արեւելք».- Չմշկածագէն մինչեւ Հոլիվուտ, կնոջ մը կեանքի ոդիսականը պատմող «Օրորա» գիրքը վերջերս թրքերէն տարբերակով հրատարակուեցաւ «Արաս» հրատարակչատան կողմէ:

1915-ին Ցեղասպանութենէն ազատած 14ամեայ Արշալոյսի ոդիսականն է այս: Ան Չմշկածագի մէջ ականատես եղած էր իր ժողովուրդի ոչնչացման ու մէկ առ մէկ  կորսնցուցած իր ընտանիքի անդամները: Հակառակ իր մարմնական ու հոգեկան չարչարանքներուն, ան յաջողած էր մնալ կենդանի: 1915-ին մահէ փրկուելէ ետք ան մեկնած էր Միացեալ Նահանգներ: Երկու տարի ետք Հենրի Կէյցի կողմէ հրատարակուած է իր ոդիսականը, որ ուշագրաւ դարձած է նաեւ Հոլիվուտի արտադրիչներուն համար:

«Արաս»ի հրատարակած գիրքի խմբագիրն է Էնթընի Սլայտ:

Ցուցադրութեան շրջանին արժանացած հետաքրքրութեամբ մրցանիշեր անցած «Օրորա» ժապաւէնը  յետագային անհետացած է եւ անկէ հազիւ քանի մը դրուագներ մնացած են: Էնթընի Սլայտի այս գործը անգլերէնէ թրքերէնի թարգմանած է Էվրիմ Քայան:

Շարժապատկերի բեմադրիչ Ատոմ Էկոյեան յառաջաբան մը գրած է գիրքին համար:

Այս գործը հրատարակութեան պատրաստած է Սօսի Տոլանօղլու, իսկ կողքի ձեւաւորումը կատարած է Արէտ Կըճըր: Գիրքին բովանդակութիւնը ճոխացուած է շարք մը լուսանկարներով:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button