Արցախի Հարցով Որեւէ Մեծ Զիջում Հայաստանի Իշխանութեան Փլուզման Կրնայ Առաջնորդել. «Սթրաթֆոր»

ԵՐԵՒԱՆ, «Փանորամա».- Արցախի տագնապը փորձութեան ենթարկած է Հայաստանի եւ Ռուսիոյ յարաբերութիւնները, որովհետեւ անցեալ տարուան Ապրիլին տեղի ունեցած իրադարձութեանց ընթացքին, Մոսկուա չէզոք դիրք գրաւեց, ինչ որ Հայաստանի համար հիասթափեցնող էր. այսպէս կը գրէ «Սթրաթֆոր» վերլուծական կեդրոնը՝ մեկնաբանելով, թէ Ատրպէյճանի եւ Հայաստանի միջեւ հակամարտութեանց մէջ Ռուսիա ամրապնդած է գլխաւոր իրաւարարի իր դիրքը:

«Մոսկուա կրնայ օգտագործել Ղարաբաղի գործօնը՝ երկու երկիրներուն մէջ իր ռազմավարական շահերը առաջ մղելու համար: Օրինակ, Ատրպէյճան կը փափաքի   փոխել Արցախի տագնապին ներկայ իրավիճակը եւ Ռուսիոյ հետ աշխատելով՝ կը ջանայ բանակցութիւններուն վերսկսիլ, այն նպատակով, որ Հայաստան Արցախի յարակից 7 տարածքներէն 5ը զիջի Ատրպէյճանին: Այս մէկը կրնայ նաեւ Ռուսիոյ  շահերուն յարմարիլ, քանի որ անիկա կրնայ մեծցնել Պաքուի վրայ Քրեմլինի ազդեցութիւնը: Բայց, Հայաստանի իշխանութիւնները նման բանակցութեանց կ՛ընդդիմանան: Եթէ նոյնիսկ Ռուսիա յաջողի համոզել Հայաստանի վերնախաւը՝ տարածքներու հարցով փոխզիջում կատարելու, Հայաստանի հասարակութիւնը նման գործարք պիտի չընդունի», կը գրէ «Սթրաթֆոր»ը:

Ըստ նոյն վերլուծական կեդրոնի՝ որեւէ մեծ զիջում՝ Հայաստանի իշխանութիւններուն համար փլուզման վտանգ կը պարունակէ, յատկապէս նախագահական համակարգէն խորհրդարանականի անցման ժամանակ:

«Այդուհանդերձ, այլընտրանքային գործընկերներու բացակայութեան պատճառով, Հայաստան այլ ընտրութիւն չունի եւ պէտք է պահպանէ Ռուսիոյ հետ  ռազմավարական դաշինքը: Այնքան ատեն, որ առճակատումը կը շարունակուի, ո՛չ Հայաստան, ո՛չ Ատրպէյճան կրնան հակամարտութեան հարցով լուրջ քայլ մը առնել՝ առանց Ռուսիոյ հետ փոխըմբռնումի», նշուած է «Սթրաթֆոր»ի զեկոյցին մէջ:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button

 

STAINLESS STEEL