Նիտըրլանտներու Դատարանը «Ղարաբաղը Պիտի Ըլլայ Հայերու Գերեզմանը» Արտայայտութեան Հեղինակին Խիստ Պատիժ Սահմանած Է

Մարտ 17-ին հրապարակուեցաւ Հոլանտայի մէջ հայերու նկատմամբ զանգուածային բռնութիւններու կոչ ըրած եւ «Ղարաբաղը պիտի ըլլայ հայերու գերեզմանը» արտայայտութեան հեղինակ, Հաակայի թուրք-ատրպէյճանական մշակութային միութեան նախագահ Իլհամ Աշքինի դատավճիռը:

Ինչպէս «Հայերն այսօր»-ին հետ զրոյցին նշեց ՀՅԴ Նիտըրլանտներու Հայ դատի յանձնախումբի նախագահ Մասիս Աբրահամեան, դատարանը Իլհամ Աշքինին դատապարտած է 120 ժամ հարկադիր աշխատանքի եւ մէկ ամիս բանտարկութեան` երկու տարի պայմանական ժամկէտով, որ կը նշանակէ, որ եթէ վերջինս այդ ուղղութեամբ կրկին սխալ թոյլ տայ, ապա անպայման պատիժը կը կրէ:

«Դատարանը աւելի խիստ պատիժ սահմանեց, քան կը պահանջէր դատախազութիւնը` հարկադիր աշխատանքային 80 ժամ եւ պայմանական երկու շաբաթ բանտարկութիւն: Ասիկա  աւելին է, քան մենք կրնայինք սպասել: Դատարանը հաշուի  առած է, հաւանաբար, նաեւ այն հանգամանքը, որ դատավարութեան ընթացքին Աշքին  քանի մը անգամ յայտարարեց, որ չի զղջար իր արարքին համար»,- «Հայերն այսօր»ին հետ զրոյցին ըսաւ Մասիս Աբրահամեան եւ աւելցուց, որ Նիտըրլանտներու մէջ դատարանի վճիռը օրէնքի ուժ կը ստանայ, եւ այսուհետեւ եթէ ոեւէ մէկը նմանօրինակ արտայայտութիւն ընէ` կրնայ բանտարկուիլ:

«Այս դատավճիռը կրնայ օրինակ ծառայել բոլոր այն երկիրներուն մէջ ապրող հայերուն համար, ուր օրէնքի գերակայութիւն կայ: Անոնք կրնան հետամուտ ըլլալ, որպէսզի նմանօրինակ կոչերու ու արտայայտութիւններու հեղինակներն անպատիժ չմնան ու անպայման կանգնին դատարանի առջեւ: Նմանօրինակ յաղթանակներով մենք  կրնանք հասնիլ մեր մեծ նպատակին` Հայոց ցեղասպանութեան ճանաչում եւ դատապարտում, Արցախի Հանրապետութեան ճանաչում: Այս ամէնը կը փաստեն, որ Հայ դատի պայքարը առօրեայ, ամէնօրեայ աշխատանք է»,- ըսաւ Մասիս Աբրահամեան:

Նշենք նաեւ, որ դատավճիռի հրապարակման ներկայ  եղած են Նիտըրլանտներու Հայ դատի յանձնախումբէն  Մասիս Պօղոսեան եւ Հոլանտահայ կազմակերպութիւններու ընկերակցութեան  (FAON) նախագահ Մաթօ Հախվերտեան:

Աւելցնենք, որ  2014 թուականի Յունիս 1-ին Ալմելոյի մէջ տեղի  ունեցած էր Ալմելոյի Հայ Առաքելական եկեղեցւոյ տարածքին մէջ տեղադրուած Հայոց ցեղասպանութեան զոհերու յուշահամալիրին դէմ ուղղուած հանրահաւաքորուն հիմնականին մէջ մասնակցած են թուրքեր: Հանրահաւաքին ժամանակ Հաակայի թուրքատրպէյճանական մշակութային միութեան նախագահ Իլհամ Աշքին յայտարարած  էր, որ «Ղարաբաղը պիտի ըլլայ  հայերու գերեզմանը»:

Հոլանտահայ կազմակերպութիւններըմասնաւորապէսհոլանտահայ կազմակերպութիւններու ընկերակցութիւնը (FAON) եւ Հոլանտայի հայ դատի յանձնախումբըբողոք ներկայացուցած էինհանրահաւաքին ընթացքին կատարուած հակահայ  յայտարարութիւններուն դէմ:

Մարտ 3-ին Հոլանտայի Ալմելօ քաղաքին մէջ տեղի  ունեցած էր Հաակայի թուրքատրպէյճանական մշակութային միութեան նախագահ Իլհամ Աշքինի դատավարութիւնը:

 

 

 

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button

 

STAINLESS STEEL