«Հրաժարական Տալու Մտադրութիւն Չունիմ». Արամ Արք. Աթէշեան

Պոլսոյ հայոց պատրիարքի փոխանորդ Արամ արք. Աթէշեան պիտի չհրաժարի իր պաշտօնէն: Աթէշեանի հրաժարական չներկայացնելուն առիթ հանդիսացած է Պոլսոյ նահանգապետարանի միջամտութիւնը:

Տեղապահի ընտրութիւններէն անմիջապէս ետք, Աթէշեան ներկաներուն յանձնած է նահանգապետարանէն ստացուած գրութիւն մը, ուր նշուած է, որ պատրիարքի ընտրութիւններ ընելը անօրէն է:

Ստեղծուած իրավիճակին շուրջ «Ակօս» շաբաթաթերթը զրուցած է Աթէշեանի հետ: Ան յայտնած է, որ նահանգապետարանի միջամտութեան վերաբերեալ պատրիարքարանը յայտարարութիւն պիտի չընէ:

Տեղապահ ընտրուած Պէքճեան արքեպիսկոպոսի եւ կրօնական խորհուրդի ատենապետ Սահակ եպիսկոպոս Մաշալանի նկատողութեան, թէ Աթէշեանի՝ պատրիարքի փոխանորդի պաշտօնէն հրաժարական ներկայացնելու պարագային խնդիրը կը լուծուի, Աթէշեան պատասխանած է. «Հրաժարական տալու մտադրութիւն չունիմ»:

Աթէշեան յայտնած է, որ հրաժարական կու տայ «Յովակիմ 1461» հիմնարկի նախագահի պաշտօնէն՝ նշելով. «Այս հիմնարկը ես հիմնած էի հոգեւորականներուն օգնելու համար: Սակայն շատ բամբասանքներ կան: Այդ պատճառով ալ հրաժարական կու տամ»:

Կարդացէք նաև

ԱԱԾ-ն Բացայայտած է Ատրպէյճանի Յատուկ Ծառայութիւններու Հերթական Սադրիչ Գործունէութեան Փորձը
«ՄԻՈՒԹԵԱՆ ՎԻՃԱԿ»Ի ԱՌԻԹՈՎ ԱՒԱՆԴԱԿԱՆ ԻՐ ԵԼՈՅԹԻՆ ԸՆԹԱՑՔԻՆ, ՕՊԱՄԱ ԿԸ ԽՈՍՏԱՆԱՅ ԲԱՐԵԼԱՒԵԼ ԵՐԿՐԻՆ ՏՆՏԵՍՈՒ...
Արամ Ա. Կաթողիկոս Բացումը Կատարեց Կաթողիկոսարանի Կազմակերպած Հայ Գիրքի 35-րդ Ցուցահանդէսին
ՍԱԼԱՄ ԿԸ ԶՕՐԱԿՑԻ ԽՄԲԱՒՈՐՈՒՄՆԵՐԸ ԵՐԿԽՕՍՈՒԹԵԱՆ ՀՐԱՒԻՐԵԼՈՒ ՊԸՐՐԻԻ ՃԻԳԵՐՈՒՆ
ՆՍՕՏՏ Արամ Ա. Կաթողիկոսի Ս. Ծննդեան Պատգամը. «Եթէ Աստուած Մեր Կողմն Է, Ո՞վ Կրնայ Մեզի Հակառակ Ըլլալ»

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button

 

STAINLESS STEEL