ԿԸՀ-ն ամփոփեց Երևանի ավագանու ընտրությունների նախնական արդյունքները. ՀՀԿ-ն ստացավ 71.25 տոկոս

ԵՐԵՎԱՆ, 15 ՄԱՅԻՍԻ, ԱՐՄԵՆՊՐԵՍ: Հայաստանի Կենտրոնական ընտրական հանձնաժողովն արտահերթ նիստում ամփոփեց մայիսի 14-ին կայացած Երևանի ավագանու ընտրությունների նախնական արդյունքները և կազմեց արձանագրություն:

Նախնական արդյունքներով՝ Երևանի ավագանու ընտրություններին քվեարկելու իրավունք ունեցող 842 հազար 151 ընտրողից մասնակցել է 354 հազար 158 քաղաքացի:

«Արմենպրես»-ի հաղորդմամբ՝ «Ելք» կուսակցությունների դաշինքին կողմ քվեարկած քվեաթերթիկների թիվն է 70 հազար 731 կամ 21 տոկոս: «Երկիր ծիրանի» կուսակցությանը կողմ քվեարկած քվեաթերթիկների թիվն է 26 հազար 109 կամ 7.75 տոկոս: Հայաստանի Հանրապետական կուսակցությանը կողմ քվեարկած քվեաթերթիկների թիվն է 240 հազար 36 կամ 71.25 տոկոս:

Ընտրողներից ստացված տեխնիկական սարքավորման տպած կտրոնների թիվն է 345 հազար 65: Ընտրողներից ստացված համարակալված կտրոնների թիվը` 81: Ընտրողներից ստացված կտրոնների ընդհանուր թիվն է 345 հազար 146, չօգտագործված համարակալված կտրոնների թիվը` 47 հազար 318: Չօգտագործված ինքնասոսնձվող դրոշմանիշերի ընդհանուր թիվը 518 հազար 943:  Անվավեր քվեաթերթիկների թիվն է 8 հազար 259:

Արձանագրությունը ստորագրվել է հանձնաժողովի բոլոր անդամների կողմից, հատուկ կարծիք առկա չէ:
http://armenpress.am/arm/news/890678/

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button

 

STAINLESS STEEL