Տարօն Մարգարեան Պիտի Շարունակէ Ղեկավարել Երեւանը

ԵՐԵՒԱՆ.- Հայաստանի կեդրոնական ընտրական յանձնաժողովի նախագահ Տիգրան  Մուկուչեան  յայտարարեց 14 Մայիսի ընտրութիւններու նախնական արդիւնքները՝  հաստատելով Երեւանի աւագանիի ընտրութիւններուն նախնական արդիւնքներուն վերաբերեալ արձանագրութիւնը:

Նախնական տուեալներով՝ Երեւան քաղաքին մէջ 842 հազար 151 ընտրողներէն ընտրութեան մասնակցած է 345 հազար 158 ընտրող:

Ձայները բաշխուած են հետեւեալ կերպով.

– Հայաստանի Հանրապետական կուսակցութիւն՝ 71.25 տոկոս, կամ՝ 240.036 քուէ:

– «Ելք» կուսակցութիւններու դաշինք՝  21 տոկոս, կամ՝ 70,731 քուէ:

«Երկիր Ծիրանի» կուսակցութիւն՝ 7.75 տոկոս, կամ՝ 26,109 քուէ:

Անճշտութիւններու թիւը կազմած է 46:

Քաղաքապետի պաշտօնը պիտի շարունակէ կատարել Երեւանի գործող քաղաքապետ Տարօն Մարգարեան:

Նախնական արդիւնքներով՝ ընտրական գործընթացին մասնակից բոլոր երեք քաղաքական ուժերն ալ աւագանիին մէջ ներկայութիւն կ՛ապահովեն: Ըստ ընտրութիւններու արդիւնքներուն՝ Հայաստանի Հանրապետական կուսակցութիւնը կը ստանայ 46 աթոռ իրաւագիր, «Ելք» դաշինքը կը ստանայ 14, իսկ «Երկիր Ծիրանի» կուսակցութիւնը՝ 5 աթոռ:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button

 

STAINLESS STEEL