ՊՐԻՒՔՍԷԼԻ ՄԷՋ ԿԱՅԱՑԱՒ ՆԱԼՊԱՆՏԵԱՆ-ՄԱՄԵՏԻԱՐՈՎ ՀԱՆԴԻՊՈՒՄԸ

Երեքշաբթի, 11 Յուլիսին, Պրիւքսէլի մէջ կայացաւ Հայաստանի եւ Ատրպէյճանի արտագին գործոց նախարարներ Էտուարտ Նալպանտեանի եւ Էլմար Մամետիարովի հանդիպումը՝ ԵԱՀԿ Մինսկի խումբի համանախագահներ Իկոր Փոփովի (Ռուսիա), Սթեֆան Վիսքոնթիի (Ֆրանսա) եւ Ռիչըրտ Հոկլընտի (Ամերիկայի Միացեալ Նահանգներ) նախաձեռնութեամբ. ներկայ էր նաեւ ԵԱՀԿ-ի գործող նախագահի անձնական ներկայացուցիչ Անճէյ Գասփըրչիքը:

Հայաստանի արտաքին գործոց նախարարութիւնը սոյն հանդիպումին մասին հրապարակեց հետեւեալ հաղորդագրութիւնը.
«Հանդիպման ընթացքին շարունակուեցան ղարաբաղեան կարգաւորման բանակցային գործընթացը յառաջ մղելու նպատակով համապատասխան պայմաններ ստեղծելու լուրջ քննարկումներ:
Էտուարտ Նալպանտեան ընդգծեց շփման գիծի իրավիճակը կայունացնելու անհրաժեշտութիւնը եւ այդ նպատակով շեշտեց Վիեննայի եւ Սան Փեթերսպուրկի գերաստիճաններուն ձեռք բերուած պայմանաւորուածութիւններու գործադրութիւնը:
Եռանախագահները արտաքին գործոց նախարարներէն խնդրեցին նախագահներուն փոխանցել իրենց առաջարկը այս տարուան ընթացքին գագաթաժողովի կազմակերպման վերաբերեալ:
Պայմանաւորուածութիւն ձեռք բերուեցաւ արտաքին գործոց նախարարներու յաջորդ հանդիպումը կայացնել սոյն տարուան Սեպտեմբերին, Նիւ Եորքի մէջ, ՄԱԿ-ի Գլխաւոր Խորհուրդի նիստերուն ընթացքին:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button