Շուէտի Մէջ Երեսփոխաններ Էրտողանը Ցեղասպանութեամբ Կ՛ամբաստանեն

ՍԹՈՔՀՈԼՄ, «Ա.Էֆ.Փէ.».- Շուէտի Ձախակողմեան եւ Կանաչ կուսակցութեանց անդամ հինգ երեսփոխաններ Թուրքիոյ նախագահ ՌեՃէփ Թայիփ Էրտողանի դէմ բողոքի հայց ներկայացուցած են՝ զայն ամբաստանելով ցեղասպանութիւն կատարելու յանցանքով:

Երեսփոխանները Թուրքիոյ նախագահին վերաբերեալ հետաքննութեան սկսելու պահանջ ներկայացուցած են Շուէտի Միջազգային դատախազութեան գրասենեակին՝ հիմնուելով 2014-ին վաւերացուած այն օրէնքին վրայ, որ երկրի ատեաններուն իրաւունք կու տայ՝ մարդկութեան դէմ ոճիրներուն գծով հետապնդել որեւէ երկրի քաղաքացիները:

Դիմումը ներկայացնողներէն՝ երեսփոխան Անիքա Լիլեմենց բացատրած է, թէ դատը կ՛առնչուի 2015-ին Թուրքիոյ քիւրտերուն դէմ տեղի ունեցած սպանդներուն՝ աւելցնելով, որ հետապնդումներու թիրախ են նաեւ Թուրքիոյ ներկայ վարչապետ Պինալի Եըլտըրըմը, նախկին վարչապետ Ահմէտ Տաւութօղլուն, պաշտպանութեան նախարար Ֆիքրի Ըշըքը եւ շարք մը այլ պաշտօնատարներ։

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button