ԵՈՒՐԻ ՋՈՐՔԱՅԷՖ՝ ՄԵՆՔ ԲՈԼՈՐՍ ՀՊԱՐՏ ԵՆՔ ՄԽԻԹԱՐԵԱՆՈՎ

Ֆրանսահայ ֆութպոլիստ, աշխարհի եւ Եւրոպայի ախոյեան Եուրի Ջորքայէֆ անդրադարձած է Հայաստանի հաւաքականի խմբապետ, Մանչեսթըր Եունայթըտի կիսապաշտպան Հենրիխ Մխիթարեանի մասին:

«Երկար տարիներէ կը ճանչնամ Մխիթարեանի ընտանիքը: Միշտ կապ կը պահպանենք իրարու հետ: Անոնք շատ-շատ լաւ մարդիկ են եւ յաճախակի կը հանդիպինք, երբ այցելենք Հայաստան: Շատ կարեւոր կը նկատեմ այս կէտը: Որովհետեւ մենք քիչ ենք, բայց պէտք է աջակցինք իրարու»« կ’ըսէ Ջորքայէֆ:
Անդրադառնալով այն իրողութեան, որ Մխիթարեան յաճախ կը բացակայէր Մանչեսթըր Եունայթըտի կազմին մէջ, Ջորքայէֆ ըսած է. « Հենրիխը լաւ տղայ է, երբեք չի բողոքեր: Մրցաշրջանի սկիզբը նոյնիսկ պահեստայիններուն մէջ տեղ չունէր: Բայց մրցումէ մրցում յաջողեցաւ իր տեղը հաստատել Եունայթըտի հիմնական կազմին մէջ: Շատ քրտնաջան կ’աշխատի եւ իր առջեւ նոր մարտահրաւէրներ կը դնէ: Մենք բոլորս շատ հպարտ ենք Մխիթարեանով»:
Ջորքայէֆի կարծիքով, յառաջիկայ մարզական տարեշրջանին իր փառքի գագաթնակէտին վրայ պիտի ըլլայ Հենրիխ Մխիթարեանը:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button
 

STAINLESS STEEL

 

–>