ՆԱԽԱԳԱՀ ԹՐԱՄՓ ԺԱՄԱՆԵՑ ՖՐԱՆՍԱ

0
15

Միացեալ Նահանգներու նախագահ Տոնալտ Թրամփ Հինգշաբթի առաւօտեան պաշտօնական այցելութեամբ ժամանեց Փարիզ: Օրլիի օդակայանին մէջ պաշտօնական ընդունելութենէն ետք, Թրամփ ուղղուեցաւ Հաշմանդամներու Տուն, ուր Ֆրանսայի նախագահ Էմմանուէլ Մաքրոն հանդիսաւոր արարողութեամբ ընդունեց ամերիկացի իր հիւրը:

Ապա անոնք ուղղուեցան Էլիզէ պալատ, ուր դռնփակ հանդիպում տեղի ունեցաւ երկու նախագահներուն միջեւ: Հանդիպման աւարտին տեղի ունեցաւ երկու նախագահներու միացեալ մամլոյ ասուլիսը:
Նախագահ Թրամփ ներկայ պիտի գտնուի Ֆրանսայի Ազգային օրուան՝ 14 Յուլիսի զօրահանդէսին: Նախագահ Թրամփ Ֆրանսա հրաւիրուած է մասնակցելու Առաջին Համաշխարհային պատերազմի Ֆրանսայի մասնակցութեան 100-ամեակի առիթով հանդիսութիւններուն:

LEAVE A REPLY

Please enter your comment!
Please enter your name here