ԱՐՑԱԽԻ ՆԱԽԱԳԱՀԻ ԸՆՏՐՈՒԹԻՒՆԸ ՊԻՏԻ ԿԱՅԱՆԱՅ 19 ՅՈՒԼԻՍԻՆ

Արցախի Ազգային Ժողովի նախագահ Աշոտ Ղուլեան յայտարարեց, թէ նախագահի ընտրութիւնը տեղի պիտի ունենայ Չորեքշաբթի, 19 Յուլիսին: Ղուլեան յայտարարութիւն մը լոյս ընծայեց այս ուղղութեամբ, որուն մէջ կ’ըսուի.

«Արցախի Հանրապետութեան Սահմանադրութեան 168-րդ յօդուածի 1-ին մասի համաձայն` գործող Հանրապետութեան նախագահի լիազօրութիւններու աւարտէն ոչ շուտ, քան՝ 50 եւ ոչ ուշ, քան՝ 40 օր առաջ Ազգային ժողովի խմբակցութիւններու առաջարով կ՛ընտրուի Հանրապետութեան նախագահ, որ կը պաշտօնավարէ մինչեւ գործող Ազգային ժողովի լիազօրութիւններու ժամկէտի աւարտը:
«Ազգային ժողովի կանոնակարգ» Արցախի Հանրապետութեան օրէնքի 149-րդ յօդուածի 2-րդ մասի համաձայն` խմբակցութիւնները Հանրապետութեան նախագահի թեկնածուներ կ՛առաջադրեն գործող Հանրապետութեան նախագահի լիազօրութիւններու աւարտէն ոչ շուտ, քան՝ 64 եւ ոչ ուշ, քան՝ 57 օր առաջ:
Սահմանուած կարգով եւ ժամկէտներու մէջ` սոյն թուականի 5-12 Յուլիսի (ներառեալ), Հանրապետութեան նախագահի պաշտօնին ընտրուելու համար առաջադրուած է երկու թեկնածու`
Էտուարտ Արտաւազդի Աղաբեկեան («Շարժում -88» խմբակցութեան առաջադրութեամբ),
Բագօ Սահակի Սահակեան («Հայրենիք», «Դաշնակցութիւն» եւ «Ժողովրդավարութիւն» խմբակցութիւններուն առաջադրութեամբ):
Հաշուի առնելով Հանրապետութեան նախագահի ընտրութեան համար Սահմանադրութեամբ նախատեսուած ժամկէտները եւ «Ազգային ժողովի կանոնակարգ» Արցախի Հանրապետութեան օրէնքի 149-րդ յօդուածի՝ 3-րդ եւ 4-րդ մասերու պահանջները` Արցախի Հանրապետութեան Ազգային ժողովին կողմէ Հանրապետութեան նախագահի ընտրութիւնը տեղի պիտի ունենայ Ազգային ժողովի յատուկ նիստի ընթացքին, որ իրաւունքի ուժով պիտի գումարուի Չորեքշաբթի, 19 Յուլիս 2017-ին, առաւօտեան ժամը 11.00-ին:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button