ՆԱԽԱԳԱՀ ՍԵՐԺ ՍԱՐԳՍԵԱՆ ԱՅՑԵԼԵՑ ՏԱՒՈՒՇԻ ՄԱՐԶ

Հանրապետութեան նախագահ, զինուած ուժերու գերագոյն գլխաւոր հրամանատար Սերժ Սարգսեան այսօր՝ Հինգշաբթի առաւօտեան աշխատանքային այցելութիւն մը տուաւ Տաւուշի մարզ: Այս մասին տեղեկացուց ՀՀ նախագահի աշխատակազմի հասարակայնութեան եւ տեղեկատուութեան միջոցներու հետ հաղորդակցութեան վարչութիւնը:

Նախագահը այցելեց հիւսիսարեւելեան սահմանագօտիի մարտական դիրքերէն մէկը` ծանօթացաւ ծառայութեան եւ զինուորներու կենցաղային պայմաններուն, երկրաչափական եւ ամրաշինական կառոյցներու, մարտական պատրաստականութեան վիճակին: Հանրապետութեան նախագահը նուէրներով խրախուսեց ծառայութեան ընթացքին անձնուիրութեամբ եւ խիզախութեամբ աչքի ինկած խումբ մը սպաներ եւ զինուորներ: Սերժ Սարգսեան շնորհակալութիւն յայտնեց հայրենիքի պաշտպաններուն, անոնց մաղթելով յաջողութիւն, բարի ծառայութիւն եւ ընդգծեց,թէ անոնց բարեխիղճ ծառայութիւնը մեծապէս կը գնահատուի եւ իրենց շնորհիւ մեր ժողովուրդը կրնայ հանգիստ ապրիլ, աշխատիլ եւ զարգացնել մեր հայրենիքը:
Սերժ Սարգսեան այնուհետեւ մասնակցեցաւ Իջեւանի մէջ տեղակայուած զօրամասի մնայուն նոր տեղակայման վայրի բացման հանդիսաւոր արարողութեան, ուր ելոյթներով հանդէս եկան պաշտպանութեան նախարարը, զօրամասի հրամանատարը, ԶՈՒ հոգեւոր առաջնորդը, պարտադիր ժամկէտային զինծառայող մը:
Նախագահ Սարգսեան, պաշտպանութեան նախարարութեան Դիլիջանի «Լեռնային Հայաստան» առողջարանին մէջ հարցազրոյց մը տուաւ «Արմենիա» հեռուստաընկերութեան «Ռէւոլիւցիա» հաղորդաշարին:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button