ԷՄՆԸՍԹԻ ԻՆԹԸՐՆԵՇԸՆԼ՝ ԹՈՒՐՔԻԱ ՍԱՐՍԱՓԻ ԿԸ ՄԱՏՆԷ ԻՐԱՒԱՊԱՇՏՊԱՆ ԿԱԶՄԱԿԵՐՊՈՒԹԻՒՆՆԵՐԸ

Գերմանական « Տեոչէ Վելէ» լրատուական կայքին տուած հարցազրոյցին ընթացքին, մարդկային իրաւանց պաշտպան «Էմնըսթի Ինթըրնեշընլ» կազմակերպութեան ներկայացուցիչ Էնտրու Կարտնըր կը յայտնէ, թէ թրքական իշխանութիւնները սարսափի կը մատնեն իրաւապաշտպան կազմակերպութիւնները:

Նշենք, թէ թրքական իշխանութիւնները 5 Յուլիսին Իսթանպուլի մէջ ձերբակալեցին «Էմնըսթի Ինթըրնեշընլ» կազմակերպութեան տասը անդամներ:
Կարտնըր դիտել կու տայ, թէ իրաւապաշտպաններու հարցաքննութիւնը կ’ընթանայ խիստ գաղտնի պայմաններու տակ, հետեւաբար իրենք չեն գիտեր, թէ խորքին մէջ ի՞նչ մեղադրանք ներկայացուած է անոնց դէմ: Կարտնըր անհեթեթութիւն կը նկատէ իրաւապաշտպանները ահաբեկչական խմբաւորումներու անդամ ըլլալու մասին ամբաստանութիւնները:
«Այս մարդիկ կը հալածուին մարդու իրաւունքներ պաշտպանելու պատճառով: Այս ճնշումը մարդկային իրաւանց պաշտպան կազմակերպութիւններու դէմ ուղղուած սպառնալիք է, զանոնք սարսափեցնելու մտադրութեամբ». կը նշէ Կարտնըր:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button