ՆԵՐԿԱՅԱՑՈՒՑԻՉՆԵՐՈՒ ՏԱՆ ԱՆԴԱՄՆԵՐ ՊԻՏԻ ՄԱՍՆԱԿՑԻՆ ԷՐՏՈՂԱՆԻ ԹԻԿՆԱՊԱՀՆԵՐԷՆ ՏՈՒԺԱԾ ՔԱՂԱՔԱՑԻՆԵՐՈՒՆ ԲՈՂՈՔԻ ՀԱՒԱՔԻՆ

Միացեալ Նահանգներու Ներկայացուցիչներու Տան կարգ մը անդամներ պիտի մասնակցին Էրտողանի թիկնապահներէն տուժած քաղաքացիներու բողոքի հաւաքին: Միջոցառումը տեղի պիտի ունենայ 19 Յուլիսին, Ուաշինկթընի մէջ, թիկնապահներուն յարձակած վայրին կից շրջանի մը մէջ:

Հաւաքը պիտի սկսի առաւօտեան ժամը 8,30-ին եւ պիտի շարունակուի մինչեւ ժամը 10-ը: Ներկայացուցիչներու Տան անդամներ՝ Տանա Ռոհրապախէր, Ճիմ Մըքկովըրն, Տէյվ Տրոտ եւ այլ երեսփոխաններ խոստացած են ներկայ գտնուիլ հաւաքին :
Միացեալ Նահանգեր այցելող Թուրքիոյ նախագահ Ռեճէփ Թայիփ Էրտողանի դէմ, Ուաշինկթընի մէջ կազմակերպուած խաղաղ ցոյցի ընթացքին, Էրտողանի թիկնապահները վայրագօրէն յարձակում կատարեցին ցուցարարներուն վրայ: Հետագային, տեսաերիզներու միջոցով բացայայտուեցաւ, թէ Էրտողան անձամբ տուած էր յարձակելու հրահանգը:
Ամերիկեան ոստիկանութիւնը ձերբակալած է յարձակման մասնակից երկու թուրք քաղաքացի:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button
 

STAINLESS STEEL

 

–>