ՆԱԽԱԳԱՀ ՍԱՐԳՍԵԱՆ ՇՆՈՐՀԱՒՈՐԱԿԱՆ ՈՒՂԵՐՁ ՄԸ ՅՂԵՑ ԷՄԱՆՈՒԷԼ ՄԱՔՐՈՆԻՆ

Հայաստանի հանրապետութեան նախագահ Սերժ Սարգսեան շնորհաւորական այցելութիւն մը տուաւ Հայաստանի մէջ Ֆրանսայի դեսպանատունը, Ֆրանսայի ազգային տօնին առիթով: Նախագահ Սարգսեան շնորհաւորական մաղթանքներ յղեց դեսպան Ժան Ֆրանսուա Շարփանթիէին, դեսպանութեան աշխատակիցներուն եւ դէմս անոնց՝ Ֆրանսայի բարեկամ ժողովուրդին:

Նախագահ Սերժ Սարգսեան անգամ մը եւս ընդգծեց, թէ Ֆրանսա հոգեհարազատ երկիր մըն է հայ ժողովուրդին համար, իսկ Հայաստանի համար վստահելի եւ լաւ գործընկեր: Նախագահ Սարգսեան հաւաստեց, թէ Հայաստան պիտի շարունակէ իր ջանքերը երկկողմ յարաբերութիւնները, հայ եւ ֆրանսացի ժողովուրդներուն բարեկամութիւնը ամրապնդելու ուղղութեամբ:
Հայաստանի հանրապետութեան նախագահը դեսպան Շարփանթիէիէն խնդրեց իր ջերմ ողջոյնները փոխանցել նախագահ Էմանուէլ Մաքրոնին:
Այս առիթով, նախագահ Սարգսեան եւ Ֆրանսայի դեսպանը քննարկեցին հայ-ֆրանսական բազմաբնոյթ յարաբերութիւնները տարբեր բնագաւառներու մէջ ընդլայնելու եւ խորացնելու կարելիութիւնները: Դեսպանը շնորհակալութիւն յայտնեց նախագահ Սարգսեանի այցելութեան , ջերմ շնորհաւորանքին եւ բարեմաղթանքներուն համար:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button
 

STAINLESS STEEL

 

–>