Հայաստանցի Զինուորականները Ղազախստանի Մէջ Մեկնարկած Բանակային Միջազգային Խաղերուն կը Մասնակցին

0
38

18 երկրի 400-է աւելի զինուորականներ կը մասնակցին Ղազախստանի հարաւը մեկնարկած Բանակային միջազգային խաղերուն:

Այս մասին, ըստ Artsakhpress.am-ի, յայտնած Է Ռուսիոյ Կեդրոնական ռազմական բաժանմունքի մամուլի ծառայութիւնը: «18 երկրի աւելի քան 400 զինծառայողներ կը մասնակցին այսօր Ղազախստանի հարաւի Ժամպիլի մարզին մէջ մեկնարկած Բանակային միջազգային խաղերուն»,- ըսուած Է հաղորդագրութեան մէջ:

Բանակային միջազգային խաղերը Ղազախստանի մէջ կ’իրականացուին 1-9 Օգոստոսին: Անոնց կը մասնակցի 18 երկրի` Հայաստանի, Ատրպէյճանի, Պանկլատէշի, Պելառուսիոյ, Վենեզուելայի, Յունաստանի, Զիմպապուէի, Հնդկաստանի, Իրանի, Ղազախստանի, Չինաստանի, Խրխզիստանի, Մոնկոլիոյ, Ռուսիոյ, Թայլանտի, Տաճիկստանի, Ուզպեքիստանի եւ Հարաւափրիկեան Հանրապետութեան խումբերը։ Այս մասին հաղորդած Է «ՌԻԱ Նովըսթի»-ն:

LEAVE A REPLY

Please enter your comment!
Please enter your name here